Hönnun Herjólfs verðlaunuð

20.Júlí'20 | 14:33
IMG_3179

Hönnun Herjólfs hlýtur Shippax verðlaun í flokki minni ferja. Ljósmynd/TMS

Hönnun Herjólfs hins nýja hlýtur Shippax verðlaunin fyrir hönnun minni ferja. 

Vakin er athygli á því að hönnun skili sér í skipi sem auðvelt sé að stjórna við mjög erfiðar aðstæður gegn opnu hafi og í siglingu inn í grunna Landeyjahöfn þar sem búast megi við háum öldum og hröðum straumum. Afhenda átti verðlaunin á ráðstefnu í apríl en það frestast fram í september vegna Covid-19.

Það er Jóhannes Jóhannesson hjá JJohannesson ApS sem hlýtur hönnunarverðlaunin ásamt skipasmíðastöðinni CRIST S.A. í Póllandi og Vegagerðinni sem eiganda Herjólfs. Shippax tímaritið sem veitir verðlaunin er tímarit sem sérhæfir sig í umfjöllun um ferjur, skemmtiferðaskip og bílferja. 

Það er mjög ánægjulegt að hönnun Herjólfs hljóti þessi verðlaun enda hefur ferjan reynst mjög vel í siglingum milli lands og Eyja. Einnig hefur hún reynst vel á milli Vestamannaeyja og Þorlákshafnar þótt hún hafi sérstaklega verið hönnuð til að sigla í Landeyjahöfn þá hefur hún reynst betra sjóskip á lengri leiðinni en gamli Herjólfur III.

Einnig er bent á það við úthlutun verðlaunanna að Herjólfur mun sigla alfarið með rafmagni milli Landeyjahafnar og Vestamannaeyja þótt lagt ahfi verið upp með annað. Þetta sé fyrsta ferjan sem siglir með 3MWh rafhlöðum fyrir opnu hafi en hingað til hafi sú aðferðafræði verið notuð á styttri leiðum með mun rólegra sjólagi en Íslendingar eiga að venjast. Einnig er það auðvitað talin kostur að raforkan á Íslandi er græn orka, segir í frétt á vef Vegagerðarinnar. Þar segir jafnframt að Vegagerðin óski Jóhannesi til hamningju með verðlaunin sem og pólsku skipasmíðastöðinni.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).