Þjóðhátíð 2020 aflýst

14.Júlí'20 | 15:44
hatid_2016_svid

Ljósmynd/Gunnar Ingi

Eftir fréttir síðustu daga hefur verið ákveðið að blása Þjóðhátíð af með einu og öllu. ÍBV mun ekki standa fyrir einum einasta viðburði um Verslunarmannahelgina, hvort um sé að ræða dansleiki, tónleika, brennu, brekkusöng eða hvað eina. Þetta kemur fram í tilkynningu frá ÍBV.

Hér að neðan má lesa yfirlýsingu ÍBV og Þjóðhátíðarnefndar í heild sinni.

Kæru Þjóðhátíðargestir

Allar götur síðan COVID-19 breiddist út hefur Þjóðhátíðarnefnd unnið að ýmsum sviðsmyndum og haft mikið og gott samráð við Almannavarnarnefnd í þeirri vinnu. Síðasta sviðsmynd sem við vorum með var setning hátíðar, ball fyrir 2.000 manns í Herjólfsdal og ein kvöldvaka þar sem dalnum yrði skipt í þrjú 2.000 manna svæði.

Þjóðhátíð 2020 aflýst

Eftir fréttir síðustu daga hefur verið ákveðið að blása hátíðina af með einu og öllu. ÍBV mun ekki standa fyrir einum einasta viðburði um Verslunarmannahelgina, hvort um sé að ræða dansleiki, tónleika, brennu, brekkusöng eða hvað eina. Með þessu viljum við sýna fulla ábyrgð og taka af allan vafa um að ÍBV muni standa fyrir viðburði sem kynni að storka fjöldatakmörkunum.

Öll hjálp vel þegin

Þjóðhátíð er gríðarlega mikilvæg fjáröflun fyrir barna- og unglingastarf ÍBV og er ein ástæða þess að félagið getur haldið úti jafn öflugu starfi í litlu samfélagi og raun ber vitni. Á vordögum fór af stað átak hjá nokkrum Eyjamönnum sem keyptu miða og skoruðu á aðra að gera slíkt hið sama, hvort sem Þjóðhátíð yrði haldin eða ekki og styrkja þannig ÍBV ef engin yrði hátíðin. Ef fólk kýs að fá miðann sinn ekki endurgreiddan er slíkur stuðningur gríðarlega vel þeginn á þessum erfiðu tímum í rekstri barna- og unglingastarfs og ljóst að slíkur stuðningur hvetur okkur áfram til góðra verka. Einnig verður áfram í boði að kaupa miða á Þjóðhátíð 2020 fyrir þá sem vilja styrkja félagið.

Þjóðhátíð 2021

Nú þegar er undirbúningur hafinn fyrir Þjóðhátíð 2021. Þeir sem keypt hafa miða á Þjóðhátíð 2020 mun gefast kostur á að flytja miðann á næsta ár, enda ljóst að miðaverð á Þjóðhátíð 2021 mun verða hærra en í ár.

Þjóðhátíðarlag 2020

Á föstudaginn mun Þjóðhátíðarlagið 2020 verða frumflutt í Brennslunni á FM957. Höfundar lags og texta eru bræðurnir Ingólfur og Guðmundur Þórarinssynir en Ingó hefur glætt Þjóðhátíð lífi síðustu ár eins og landsmenn þekkja. Lagið heitir Takk fyrir mig. Bræðurnir og Þjóðhátíðarnefnd voru algerlega sammála um að gefa út lagið þrátt fyrir þessi örlög.

Þjóðhátíðarblað Vestmannaeyja kemur út

Venju samkvæmt verður Þjóðhátíðarblað Vestmannaeyja gefið út þrátt fyrir að Þjóðhátíð í Herjólfsdal falli niður í ár. Blaðið sem er veglegt að sniðum hefur komið út um áratugaskeið og hverfist um hátíðina í Herjólfsdal. Útgáfudagur Þjóðhátíðarblaðsins er áætlaður föstudaginn 31. júlí og verður hægt að nálgast blaðið í Eyjum og á fastalandinu. Gefst velunnurum Þjóðhátíðar þannig færi á að styðja við ÍBV með kaupum á blaðinu.

Endurgreiðsla miða

Vinna við endurgreiðslukerfi er í fullum gangi og verður vel kynnt þegar endurgreiðslur munu hefjast, í síðasta lagi í lok þessa mánaðar. Fólk mun standa frammi fyrir þremur kostum; a) Að fá miðan endurgreiddann, b) að styrkja ÍBV um andvirði miðans, og c) að flytja miðann yfir á Þjóðhátíð 2021.

Að lokum viljum við þakka fyrir þá þolinmæði sem okkur hefur verið sýnd á þessum skrýtnu tímum. Sjáumst hress á Þjóðhátíð 2021, sem verður eflaust sú glæsilegasta sem sést hefur!

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-