Deilan enn í hnút

- liggur fyrir að boðað verkfall í næstu viku stendur

9.Júlí'20 | 11:10
IMG_8844

Herjólfur. Ljósmynd/TMS

Kjaradeila Herjólfs ohf. við félagsmenn Sjómannafélags Íslands er enn í hnút og stefnir allt í tveggja sólarhringa vinnustöðvun á þriðjudaginn kemur. 

Á fundi stjórnar Herjólfs ohf. í gærkvöldi var efnislega farið yfir kröfugerð félagsmanna SÍ sem lögð var formlega fyrir á fundi aðila sem fram fór fyrr um daginn.

Guðbjartur Ellert Jónsson, framkvæmdastjóri Herjólfs ohf. segir í samtali við Eyjar.net að það sé mat stjórnar Herjólfs að kröfugerðin sé óaðgengileg og var henni hafnað. „Boðinn er sambærilegur samningur og áður hefur verið samið um við félagsmenn í Sjómannafélaginu Jötni.”

Guðbjartur segir að á fundi fulltrúa Herjólfs ohf. og fulltrúa SÍ í morgun hafi afgreiðsla stjórnar félagsins verið kynnt. Jafnframt kom fram í afgreiðslu stjórnar beiðni um að fyrirliggjandi kjarasamningur yrði formlega kynntur félagsmönnum SÍ og þá í kjölfarið lagður fram til samþykktar eða synjunar.

„Fulltrúi félagsmanna SÍ hafnaði boði stjórnar Herjólfs ohf. Frekari fundir hafa ekki verið boðaðir og því liggur fyrir að boðað verkfall í næstu viku stendur eins og SÍ hefur boðað.” segir Guðbjartur.

Tags

Herjólfur

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).