Alrangt að samningurinn hafi ekki verið kynntur

8.Júlí'20 | 14:28
kolb

Kolbeinn Agnarsson

Í morgun lét Jónas Garðarsson, formaður samningarnefndar Sjómannafélags Íslands þau ummæli falla að „Það væri mjög þægi­legt fyr­ir út­gerðina að eiga stétt­ar­fé­lag.“ Hann tel­ur að Herjólf­ur stjórni Sjómannafélaginu Jötni al­gjör­lega. 

Kolbeinn Agnarsson, formaður Jötuns segir í samtali við Eyjar.net að það sé margt sem ekki standist skoðun í málflutningi Jónasar. Fram kom í máli Jónasar að samn­ing­ur­inn haf­i ekki legið fyr­ir neins staðar. „Plaggið var bara í fel­um ein­hvers staðar ofan í skúffu, ekki einu sinni þeir sem voru að vinna eft­ir því höfðu séð það.“

Kolbeinn segir að enginn samningur hafi verið í felum. „Hér geta allir aðilar máls komið á skrifstofu félagsins og skoðað samninginn, hvenær sem er.”

Kjánaleg ummæli sem dæmi sig sjálf

Kolbeinn bendir á að Félagsdómur sé dómsvald sem kvað upp úrskurð um að rétt hafi verið staðið að samningsgerð. Hann segir það alrangt að samningurinn sem unnið sé eftir hafi ekki verið kynntur. Hann er gerður af Samtökum atvinnulífsins fyrir hönd Herjólfs ohf. við Sjómannafélagið Jötunn fyrir hönd starfsmanna.

Kolbeinn segir að hann hafi farið þess á leit við Herjólf ohf. á sínum tíma að félagið myndi taka sína samninga í gegnum stéttarfélag í Vestmannaeyjum. Hann segir ummæli Jónasar um að Herjólfur stjórni Jötni í besta falli kjánaleg og dæmi sig sjálf.

„Skipverjarnir sem um ræðir fengu allir launahækkun þann 1. apríl skv. þessum samningi.”

Jötunn ekki aðili að þessari deilu

Hann ítrekar að um fullgildan samning sé að ræða sem að Félagsdómur staðfesti á dögunum. „Fólk verður bara að skoða verk manna í fortíðinni, til að sjá söguna í réttu ljósi og hverjir séu trúverðugir í sínum málflutningi.” segir Kolbeinn og tekur fram að Jötunn sé ekki aðili að þessari deilu.

„Það er sérstakt að horfa á þetta vera að gerast nú, í ljósi alls þess sem nú er að gerast í heiminum” segir Kolbeinn að lokum.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).