Efnið farið undan bryggjunni vegna tæringar bryggjuþils

25.Júní'20 | 11:02
IMG_2795

Hér má sjá holrýmið sem myndast hefur undir bryggjunni. Ljósmyndir/TMS

Nú stendur yfir vinna verktaka við að koma upp svokölluðum skjaldarfenderum á viðlegukant Herjólfs hér í Vestmannaeyjum. Við vinnuna kom í ljós að nánast allt efnið er farið undan bryggjunni á um 10 metra kafla nyrst á Básaskersbryggju.

„Ástæðan fyrir þessu er að þilið er ónýtt á kafla á vesturkanti Básaskersbryggju vegna tæringar. Þessi kantur var rammaður að hluta til þegar gamli Herjólfur kom 1991 en þá var þessi hluti skilin eftir og er því elstur á um 20 m kafla. Svo virðist sem allt efni sé farið á um 10 m kafla þarna sem gamla þilið er.” segir Andrés Sigurðsson hjá Vestmannaeyjahöfn í samtali við Eyjar.net.

Þessu tengt: Bryggjuverk setur upp fendera fyrir Herjólf í næstu viku

Þarf stöðugt að vera að endurnýja þilin

„Þarna er svo enn eldra þil fyrir innan sem heldur uppfyllingunni og er því ekki hætta á ferð. Það er samt alveg ljóst að gera þarf við þilið og setja uppfyllingu áður en nýju fenderarnir fyrir Herjólf verða settir upp. Aðstæður hér í Eyjum virðast vera þannig að bryggjuþil endast illa hér og þarf því stöðugt að vera að endurnýja þilin.” segir Andrés.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...