Ný hlutdeildarlán auðvelda tekjulágum einstaklingum að eignast fyrstu íbúð

11.Júní'20 | 14:18
asmundur_einar_ads

Ásmundur Einar Daðason, félags- og barnamálaráðherra, kynnir úrræðið á fundinum í dag. Ljósmynd/aðsend

Ásmundur Einar Daðason, félags- og barnamálaráðherra, hefur lagt fram á Alþingi frumvarp um hlutdeildarlán sem ætlað er að auðvelda tekju- og eignalitlum einstaklingum að eignast sína fyrstu íbúð. 

Munu lánin brúa bilið á milli lána veittum af fjár­mála­fyr­ir­tækjum og lífeyrissjóðum ann­ars vegar og kaup­verðs hins veg­ar. Hlutdeildarlánin eru að skoskri fyrirmynd og hefur þessi leið reynst vel þar í landi. Úrræðið var kynnt á fundi hjá Húsnæðis- og mannvirkjastofnun í dag. 

Hlutdeildarlánin verða ólík hefðbundnum fasteignalánum að því leyti að ríkið lánar tekjulágum fyrstu kaupendum ákveðið hlutfall af verði þess íbúðarhúsnæðis sem þeir hyggjast kaupa. Hlutdeildarlánin bera hvorki vexti né afborganir á lánstímanum, þó bera þau vexti hækki tekjur lántaka á lánstímanum umfram ákveðin tekjumörk. Lántakendurnir skulu endurgreiða hlutdeildarlánið þegar íbúðin er seld. Hámarkslánstími hlutdeildarlána er 25 ár. Að þeim tíma liðnum skal endurgreiða ríkinu lánið hafi íbúðin ekki þegar verið seld.

Dæmi: 
Kaupverð fasteignar er 40 milljónir og hlutdeildarlán hljóðar upp á 20% af kaupvirðinu eða sem samsvarar 8 milljónum króna. Tíu árum síðar er eignin seld fyrir 50 milljónir króna. Þá eru tuttugu prósentin endurgreidd, nema hlutfallið reiknast nú af nýja fasteignaverðinu og nemur endurgreiðslan því 10 milljónum kr. Þannig nýtur ríkið sem lánveitandi einnig góðs af hækkun fasteignaverðs, ólíkt öðrum lánveitendum á húsnæðismarkaði.

Tekjulágir leggja að lágmarki til 5% eigið fé

Hlutdeildarlánin munu virka þannig að kaupandi leggur til að lágmarki 5% eigið fé og tekur 75% fasteignalán hjá lánastofnun sem fer á 1. veðrétt og 20% hlutdeildarlán hjá ríkinu sem fer á 2. veðrétt. Í ákveðnum tilvikum geta hlutdeildarlán farið upp í allt að 30% af verði fasteignar ef lántakendur uppfylla skilyrði sem sett verða. Fasteignalán lánastofnunarinnar lækkar þá á móti niður í allt að 65% af kaupverði. Meginreglan verður sú að lántakandi þarf að standast greiðslumat fyrir láni sem nemur 75% kaupverðs en heimilt verður að veita hærri hlutdeildarlán til umsækjanda ef hann er undir tilteknum tekjumörkum. Miðað verður við 7.560.000 kr. árstekjur einstaklings og 10.560.000 kr. í árstekjur hjóna og sambúðarfólks. 

Ásmundur Einar Daðason, félags-og barnamálaráðherra: „Það er virkilega ánægjulegt að hlutdeildarlánin séu orðin að veruleika en þau eru í samræmi við stefnuyfirlýsingu stjórnvalda í húsnæðismálum. Við erum með þessari aðgerð að grípa inn í og rétta hlut tekjulágra einstaklinga á húsnæðismarkaðnum og þessi lán munu gera fólki kleift að búa við aukið öryggi og jafnrétti í húsnæðismálum, óháð því hvar það býr á landinu.

 

Skilyrði fyrir lánveitingu:

  • Lánin einskorðast við nýbyggingar
  • Einungis lán fyrir kaupum á íbúð undir skilgreindu hámarksverði
  • Einungis veitt fyrstu kaupendum eða þeim sem ekki hafa átt fasteign síðastliðin fimm ár
  • Einungis fyrir þá sem ekki eiga fyrir útborgun en standast greiðslumat
  • Afborganir húsnæðislána mega ekki vera umfram 40% ráðstöfunartekna

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.