Setja upp skjái sem þjóna eiga hlutverki upplýsingamiðstöðvar

26.Maí'20 | 18:15
ferdamenn_herj

Ferðamenn á leið til Eyja fræðast um Vestmannaeyjar. Ljósmynd/TMS

Vestmannaeyjabær gerði á dögunum samning við Ferðamálasamtök Vestmannaeyja um sérstakt markaðsátak í ferðaþjónustu skv. tilboði auglýsingastofunnar Hvíta hússins.

Tilboðið er um hönnun, gerð og framkvæmd átaksins og birtingaáætlun auglýsinga og upplýsinga um Vestmannaeyjar í hinum ýmsu miðlum, að því er segir í fundargerð bæjarráðs Vestmannaeyja sem fjallaði um málið í gær.

Nýjung í miðlun upplýsinga fyrir ferðamenn sem heimsækja Vestmannaeyjar

Átakið er langt komið og m.a. búið að opna nýja vefsíðu visitvestmannaeyjar.is. Þar að auki samþykkti Vestmannaeyjabær að veita Ferðamálasamtökunum styrk til kaupa á sérstökum snertiskjám sem komið verði fyrir víða um eyjuna og þjóna hlutverki upplýsingamiðstöðvar fyrir ferðamenn. Um er að ræða nýjung í miðlun upplýsinga fyrir ferðamenn sem heimsækja Vestmannaeyjar. Er hugmyndin að koma fyrir um 10 snertiskjáum á fjölfarna staði og merkja þá vel.

Geta ekki orðið við beiðni Markaðsstofu Suðurlands

Vestmannaeyjabæ barst á dögunum erindi frá Markaðsstofu Suðurlands þar sem óskað er eftir fjármagni, m.a. til markaðssetningar á landshlutanum innanlands sem viðbragð við Covid 19. Óskað er eftir stuðningi að upphæð 418.530 kr., sem skiptist í 75.000 kr. grunnframlag hvers sveitarfélags og 80 kr. framlags hvers íbúa.

Í afgreiðslu bæjarráðs segir að ráðið geti ekki orðið við beiðni Markaðsstofu Suðurlands þar sem þegar hefur verið ákveðið að ráðast í markaðsátak í samstarfi við Ferðamálasamtök Vestmannaeyja sem samþykkt var á fundi ráðsins þann 21. apríl sl.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.