Grunnskólanemar rannsökuðu loðnu

18.Maí'20 | 14:29
lodna_hjh

Loðnan rannsökuð. Ljósmynd/Helga Jóhanna Harðardóttir

Nemendur í 5. bekk Grunnskóla Vestmannaeyja rannsökuðu loðnu í bak og fyrir í kennslustund í fyrri viku og fræddust um þennan dyntótta fisk sem síðast veiddist 2018 en hvorki í fyrra né í ár.

Benoný Þórisson, framleiðslustjóri uppsjávarsviðs Vinnslustöðvarinnar, lumaði hins vegar á nokkrum loðnum af 2018-árgerðinni í frysti og færði skólanum með ánægju, að því er segir í frétt á vefsvæði Vinnslustöðvarinnar.

Fimmtu bekkingar 2019 heimsóttu uppsjávarvinnsluna um þetta leyti í fyrra og stúderuðu loðnu en fræddust líka um veiðar og vinnslu þorsks, ufsa og karfa.

Flest er breytt í tilverunni í ár vegna kórónuveirunnar. Þess vegna áttu loðnurannsóknir grunnskólanemanna sér nú stað á heimavelli, í skólastofunni.

Fleiri myndir frá rannsóknum 5. bekkjar má sjá hér.

 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.