Fréttatilkynning:

Sjómannadagurinn verður haldinn hátíðlegur

- sunnudagurinn 7. júní

15.Maí'20 | 11:38
IMG_1193

Á Sjómannadeginum verður eins og alltaf safnast saman á Stakkó þar sem sjómenn verða heiðraðir, tónlist og önnur hefðbundin atriði. Ljósmynd/TMS

Á tímabili leit út fyrir að allt samkomuhald yrði bannað næstur vikurnar og í ljósi þess hafði Sjómannadagsráð ákveðið að engin hátíðarhöld yrðu á Sjómannadaginn þetta árið. 

En öll él birta um síðir og líka Covid19 fárið sem herjað hefur á Vestmannaeyjar, Ísland og reyndar alla heimsbyggðina síðustu vikur og mánuði.

Í ljósi þess að slakað hefur verið á samkomubanni  hefur Sjómannadagsráð ákveðið að halda Sjómannadaginn, sem nú er sunnudagurinn 7. júní hátíðlegan en dagskráin verður minni í sniðum en verið hefur. Verður í öllu farið að tilmælum Eyjamannanna Þórólfs Guðnasonar sóttvarnalæknis og Víðis Reynissonar yfirlögregluþjóns og Ölmu Möller landlæknis frá Siglufirði.

Þetta kemur fram hjá Ríkharði Stefánssyni og Halldóri Inga Guðnasyni sem sæti eiga í ráðinu. „Við byrjum á laugardagsmorguninn á Nausthamarsbryggju með Bryggjumótinu vinsæla fyrir þau yngstu og pabbana og afana,“ segir Rikki. „Eftir hádegi verður að mestu hefðbundin dagskrá á Vigtartorgi sem ætluð er unga fólkinu. Þar verða hoppukastalar, fuzzball, fjarstýrðir bátar og sjómenn og aðrir fá að spreyta sig í kappróðri eins og venja er. Ýmislegt fleira verður til skemmtunar eins og karl sem býr allskonar fígúrur úr blöðrum.“

Hefðbundin skemmtun í Höllinni verður ekki vegna fjöldatakmarkana en sunnudagurinn  hefst með því flaggað er við Landakirkja og klukkan 11 er Sjómannamessa. „Á eftir er athöfn við minnisvarða drukknaðra og hrapaðra og þeirra sem farist hafa í flugslysum. Henni stýrir Guðni Hjálmarsson, forstöðumaður Hvítasunnusafnaðarins í fjarveru Snorra Óskarssonar,“ segir Halldór Ingi.

Klukkan þrjú verður eins og alltaf safnast saman á Stakkó þar sem sjómenn verða heiðraðir, tónlist og önnur hefðbundin atriði. Eykyndilskaffið fellur niður vegna Covid19.  „Við erum að reyna eins og við getum að halda Sjómannadaginn hátíðlegan en förum í öllu að settum reglum og eftir leiðbeiningum Páleyjar lögreglustjóra. Við mætum svo margefldir á næsta ári og höldum Sjómannadaginn með meiri stæl en nokkru sinni,“ sögðu félagarnir sem að lokum vöktu athygli á Sjómannadagsblaðinu, merkjasölunni og að dagskrá Sjómannadagsins verður birt í næstu viku.

„Sjómannadagsblaðið verður myndarlegt og fjölbreytt að vanda og verður því dreift ókeypis í öll hús í Eyjum sem er nýjung. Skátarnir dreifa blaðinu og ÍBV sér um merkjasölu og er fólk hvatt til að taka vel á móti sölubörnum. Nánari dagskrá verður svo kynnt í næstu viku.“

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.