Handbolta og fótboltaæfingar hefjast hjá ÍBV í dag

5.Maí'20 | 14:12
fotbolti_skoli

Æfingar hefjast á ný hjá ÍBV-íþróttafélagi í dag. Ljósmynd/TMS

Í dag hefjast æfingar á ný hjá ÍBV-íþróttafélagi eftir nokkra vikna pásu vegna kórónuveirufaraldursins. Æft er samkvæmt æfingatöflu. 

Á vef félagsins segir að samfélagið okkar hafi náð góðum tökum á ástandinu sem ríkt hefur undanfarnar vikur og til að halda okkur á þeirri góðu vegferð sem við erum þá biðjum við ykkur um að halda áfram að fara eftir fyrirmælum almannavarna.

Það mun einnig færa okkur nær þeim markmiðum okkar að geta haldið TM - og Orkumót ásamt Þjóðhátíð, en þessir viðburðir verða aldrei nema með þeim takmörkunum sem almannavarnir setja.

Æfingar hjá iðkendum á grunnskólaaldri:

  • Venjulegar æfingar í handbolta og fótbolta eftir æfingatöflu út skólaárið - engar fjöldatakmarkanir.
  • 2ja metra reglan gildir ekki, hvorki á milli iðkenda né á milli iðkenda og þjálfara.
  • Íþróttahús - búningsklefar opnir, aukin þrif og sprittun.
  • Týsheimili - búningsklefar lokaðir, anddyri niðri opið þannig að hægt sé að komast á klósett - aukin þrif og sprittun.
  • Hvetjum iðkendur til sérstaks hreinlætis og handþvottar, spritt verður aðgengilegt á æfingum.
  • Foreldrum er ekki heimilt að koma inn í íþróttahús eða Herjólfshöll til að horfa á æfingar eða sækja iðkendur.

Æfingar hjá eldri iðkendum:

  • Innanhúss - 3 iðkendur + þjálfari á heilum handboltavelli.
  • Utanhúss - 7 iðkendur + þjálfari á hálfum fótboltavelli.
  • Passa uppá 2ja metra regluna, spritta búnað.
  • Búningsklefar lokaðir.
  • Hvetjum iðkendur til sérstaks hreinlætis, handþvottar og notkunar handspritts, spritt verður aðgengilegt á æfingum.

Tags

ÍBV COVID-19

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...