Gleðitár féllu þegar íbúar fengu sína fyrstu heimsókn í 8 vikur

5.Maí'20 | 15:05
hraunb_heimilisfolk_2020

Það var góður dagur á Hraunbúðum í gær. Ljósmynd/hraunbudir.is

Það var góður dagur á Hraunbúðum í gær, fyrsti dagurinn í tilslökun á heimsóknarbanninu. Það voru nokkur gleðitár sem féllu þegar nokkrir íbúar fengu sína fyrstu heimsókn í 8 vikur.  

Það er yndislegt að vita að við erum að sigla í áttina að mun eðlilegra ástandi en verið hefur undanfarið.  Við vonum líka að sársaukinn yfir glötuðum samverustundum grói fljótt með nýjum dýrmætum tíma.  Í dag og á næstu dögum bætist í heimsóknirnar og áður en vikan verður öll verða flestir íbúar búnir að hitta einn af sínum nánustu, segir í frétt á vefsíðu Hraunbúða.

Það var líka mjög ánægjulegt að hársnyrti- og fótaaðgerðarstofurnar gátu opnað á ný fyrir íbúa.  Heimilisfólkið fer þaðan út núna með bros á vör enda alltaf skipt máli á Hraunbúðum að íbúar geti haldið sinni reisn og verið snyrtileg til fara eða eins og þeim líður best sjálfum.  En við tökum áfram eitt skref í einu í afléttingu og það skref sem við erum á núna er fram til 18.maí.  Við höldum áfram með skiptingar á heimilinu, takmörkun á heimsóknum og ítarlegar sóttvarnaraðgerðir og metum stöðuna reglulega.

Við eigum eftir að skrásetja þessar síðustu vikur betur og leyfum ykkur að fræðast um það síðar. Við viljum ekki hrósa sigri of fljótt, við þurfum öll að fara varlega áfram og passa okkur vel því ekki viljum við fara tilbaka.  Við fylgjum því almannavörnum í einu og öllu og þeirra góðu tilmælum sem hingað til hafa gefist svo vel.  

Við viljum þó minnast á hversu djúpt við erum snortin yfir þeim mikla hlýhug sem við finnum í garð Hraunbúða, starfsfólks og íbúa.  Allar fallegu kveðjurnar sem við fáum eru ómetanlegt eldsneyti til góðra starfa.  Það voru um 20 manns sem skráðu sig í bakvarðarsveit hjá okkur og erum við mjög þakklát fyrir þann velvilja þó við höfum ekki þurft að grípa tl hennar.  Hin ýmsu fyrirtæki og einstaklingar hafa styrkt okkur með gjöfum og matvælum.  Í gærkvöldi sendu 900 grillhús okkur pizzaveislu og Skipstjóra-og stýrimannafélagið Verðandi sendi starfsfólki nýverið matarsendingar frá GOTT og Hafdís útbjó sérstakan jógatíma á netinu fyrir Hraunbúðir, öðrum höfum við sagt frá, en við þökkum innilega fyrir okkur.  Öll þessi tilbreyting hefur gert mikið, segir í fréttinni.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.