Tryggja sex ferðir á dag

3.Maí'20 | 11:17
IMG_8836

Vegamálastjóri upplýsti að Vegagerðin færi í það verkefni með stjórn Herjólfs að tryggja 6 ferðir á dag. Ljósmynd/TMS

Bæjarstjórn Vestmannaeyja ræddi stöðu samgöngumála. Í skugga Covid hefur áætlun Herjólfs og flugsamgangna við Vestmannaeyjar raskast mikið.

Fram kemur í fundargerð bæjarstjórnar að Ernir hafi dregið saman sína áætlun um 50% og ferðum Herjólfs hefur fækkað úr 7 í 3.

Staða Herjólfs ohf. er erfið og tók bæjarráð málið til umræðu vegna samdráttar í ferðaþjónustu og takmarkaðrar eftirspurnar eftir samgöngum milli lands og Eyja. Stjórnarformaður og framkvæmdastjóri fóru yfir stöðuna hjá Herjólfi ohf. með bæjarfulltrúum fyrir stuttu. Mikill samdráttur hefur orðið á sértekjum félagsins, þ.e. tekjum af farþegum, bílum, frakt og kojum, sem standa utan við greiðslur frá Vegagerðinni. Ljóst er að afbókanir og dökk spá um ferðamannastraum erlendra ferðamanna til Íslands í sumar mun hafa heilmikil áhrif á tekjur félagsins. Þessi staða og samkomubannið hefur orðið til þess að ferðum var fækkað.

Bæjarstjóri, formaður bæjarráðs og fulltrúi sjálfstæðisflokksins í bæjarráði áttu nýlega fund með Vegagerðinni og fulltrúum stjórnar Herjólfs og framkvæmdarstjóra þar sem farið var yfir stöðuna og tillögur lagðar fram um framhaldið. Vegamálastjóri upplýsti að Vegagerðin færi í það verkefni með stjórn Herjólfs að tryggja 6 ferðir á dag.

Staðan á Landeyjahöfn var líka rædd og er það mjög ánægjulegt að þetta er fyrsti veturinn frá opnun Landeyjahafnar 2010 þar sem höfnin lokast ekki yfir veturinn. Hún hefur haldist opin hvað dýpi varðar í allan vetur.

Í sameiginlegri bókun bæjarstjórnar um málið segir að nú þegar létt verði á samkomubanni eftir helgina telur bæjarstjórn mikilvægt að áætlun Herjólfs færist í sem eðlilegast horf á ný. Því er ánægjulegt að sjá stjórn Herjólfs ohf. í samráði við Vegagerðina hafa ákveðið að breyta áætlun skipsins strax þann 4.maí þegar farnar verða fjórar ferðir daglega frá Vestmannaeyjum og sex ferðir frá 13. maí.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).