Hafa óskað eftir fundi með stjórnvöldum

30.Apríl'20 | 07:23
IMG_0412

Vinnslustöðin. Ljósmynd/TMS

Vinnslustöðin hefur óskað eftir fundi með stjórnvöldum til að reyna að ná sáttum um skaðabótakröfu útgerðarfélagsins í makrílmálinu. Þar til annað verður ákveðið mun Vinnslustöðin halda skaðabótakröfu sinni upp á 982 milljónir króna gegn ríkinu til streitu. 

Þetta segir Sigurgeir Brynjar Kristgeirsson, framkvæmdastjóri Vinnslustöðvarinnar. Náist ekki sættir við ríkið mun skaðabótamál Vinnslustöðvarinnar verða útkljáð fyrir dómstólum á næstu árum. Greint er frá þessu á Stundin.is.

Fimm af sjö útgerðarfélögum sem stefndu ríkinu og kröfðu íslenska ríkið um samtals rúmlega 10 milljarða króna skaðabætur út af makrílúthlutun hafa fallið frá kröfugerð sinni á hendur vegna efnahagsafleiðinga COVID-faraldurssins. Kröfugerðin vakti hörð þverpólitísk viðbrögð og sagði Bjarni Benediktsson fjármálaráðherra til dæmis að kvótakerfi Íslendinga væri ekki „náttúrulögmál“ þegar málið kom upp fyrr í apríl og ýjaði að því að hægt væri að breyta kvótakerfinu.

Vinnslustöðin og Huginn frá Vestmannaeyjum hafa hins vegar sagt að þær ætli að halda skaðabótakröfum sínum til streitu.  

Engin svör komið frá ríkinu

„Ég er búinn að óska eftir fundi með forsætis-, fjármála- og samgönguráðherra,“ segir Sigurgeir Brynjar í samtali við Stundina. „Niðurstaða okkar á stjórnarfundi var sú að hætta ekki við þetta að svo stöddu heldur óska eftir fundi með forsvarsmönnum stjórnvalda og fara yfir stöðuna,“ segir hann.

Aðspurður um hvort einhugur hafi verið um málið í stjórn Vinnslustöðvarinnar að fara þessa leið segir Sigurgeir Brynjar að „meirihluti stjórnar“ hafi tekið þessa ákvörðun.

Hann segir að í þessari ákvörðun felist ekki endanleg niðurstaða stjórnar Vinnslustöðvarinnar um halda skaðabótakröfunni til streitu heldur felst í ákvörðuninni að útgerðin vilji ræða við stjórnvöld á fundi fyrst og sjá svo til hvað setur eftir þann fund.

Sigurgeir Brynjar segir að Vinnslustöðin hafi frá byrjun leitað sátta í málinu en að engin svör hafi komið frá ríkinu. „Við buðum sættir í málinu þegar lagasetningin var gerð á sínum tíma og höfum alltaf boðið sættir. En við höfum aldrei fengið boð um neinar sættir. Orð eru til alls fyrst. Við höfum óskað eftir þvi að hitta stjórnvöld en það hefur ekkert svar borist við því,“ segir Sigurgeir Brynjar. 

Hann segir að ákvörðunin um að höfða málið hafi verið tekin á stjórnarfundi og að hún hafi ekki verið „tekin út í loftið“ og að ákvörðun um að hætta við málið verði sömuleiðis tekin með ígrunduðum hætti ef svo verður.

Nánar má lesa um málið hér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).