Tækifæri til breyttrar og aukinnar þjónustu

27.Apríl'20 | 07:08
vestm_b_gig

Vestmannaeyjabær. Ljósmynd/Gunnar Ingi

Á fundi fjölskyldu og tómstundaráðs í liðinni viku fóru framkvæmdastjóri fjölskyldu- og fræðslusviðs og yfirfélagsráðgjafi yfir stöðu mála á stofnunum og verkefnum sem heyra undir málaflokka fjölskyldu- og tómstundaráðs.

Vinna við aðgerðir gagnvart veiruógnuninni hefur verið í gangi frá því í febrúar. Áherslan er að vernda viðkvæmustu hópana, tryggja og vera framsækin í þjónustu, tryggja barnavernd og vera vakandi gagnvart viðkvæmum hópum samfélagsins. Smitvarnaráætlunum sem og aðgerðaráætlunum er fylgt eftir sem og fyrirmælum almannavarna og sóttvarnalæknis. Gott samstarf hefur verið við samstarfsaðila s.s. lögreglu, HSU, Barnaverndarstofu og Rauða krossinn.

Reynt er að halda góðum tengslum við forstöðumenn stofnana og þeir áfram til starfsmanna sinna. Gætt er að því að hafa yfirlit yfir starfsmenn sviðsins sem eru í sóttkví eða einangrun og að forstöðumenn haldi góðum tengslum við þá í þeirra stöðu. Framkvæmdastjóri sviðs er í viðbragðsteymi bæjarins sem fundar daglega og samræmir aðgerðir sveitarfélagsins. Viðbragðsstjórnunarteymið er einnig í góðu sambandi við aðgerðarstjórn almannavarna.

Bæjarstjóri og framkvæmdastjóri sviðs eru með vikulega fundi með forstöðumönnum í öldrunarþjónustu. Framkvæmdastjóri sviðs fundar vikulega ásamt öðrum stjórnendum velferðarsviða sveitarfélaga með velferðarráðuneytinu og velferðarráðherra. Deildarstjóri öldrunarþjónustu fundar reglulega með almannavarnarteymi dvalar- og öldrunarheimila á landinu.

Starfsmenn félagsþjónustu og barnaverndar hafa unnið markvisst að því að halda tengslum við þá einstaklinga og fjölskyldur sem þurfa ráðgjöf og þjónustu sviðsins. Boðið er upp á ráðgjöf og stuðning símleiðis eða á netinu og þá hafa félagasamtökin Hugarafl og Geðhjálp boðið fram aðstoð sína í formi netfunda og símaráðgjafar. Áfram er unnið eftir fyrirmælum almannavarna og sóttvarnalæknis.

Íþróttahúsið er áfram lokað, heimsóknarbann er áfram á Hraunbúðum og þjónustuíbúðum fatlaðra og starfsmönnum félagsþjónustu er áfram skipt upp til að tryggja þjónustu. Byrjað er að huga að því hvernig verður snúið til baka og er þá mikilvægt að fylgja þeim tilmælum sem koma frá sóttvarnalækni.

Einnig eru stofnanir og starfsmenn sviðsins farnir að huga að breyttu formi á þjónustu og samskiptum í framtíðinni. Fjarfundakerfi og tæknilausnir hafa reynst ágætlega og gefa til kynna tækifæri til breyttrar og aukinnar þjónustu, segir að endingu í bókun fjölskyldu- og tómstundaráðs.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.