Íris Róbertsdóttir skrifar:

Gleðilegt sumar!

23.Apríl'20 | 13:14
iris_robe

Greinarhöfundur á Goslokahátíðinni í fyrra.

Kæru Vestmannaeyingar. Í byrjun vikunnar féllu úr gildi þær hertu aðgerðir sem gripið var til hér í Eyjum, umfram það sem gert er á landsvísu. Við fylgjum nú sömu línu og gildir fyrir mestallt landið. Hópamyndanir miðast nú við 20 en ekki 10 eins og var.

Þetta þýðir þó ekki að braráttan sé búin. Fjarri því. Enn er ekki kominn 4. maí en þá verður byrjað að létta á samkomubanninu; í litlum skrefum þó og við þurfum áfram að hafa varann á okkur. Tveir metrar eru töff!

Við hér í Eyjum, og reyndar landsmenn allir, höfum staðið okkur vel í því að fara eftir tilmælum og fyrirmælum og það er mikilvægt að við höldum því áfram, enda er það ein meginskýringin á því hve vel hefur gengið að takmarka smit. Það var líka ánægjulegt hversu margir hér í Eyjum gáfu sig fram í sýnatöku Íslenskrar erfðagreiningar sem veitir mikilvægar upplýsingar um eðli faraldursins og þar með hvernig hægt er að berjast gegn honum.

Í síðustu viku byrjaði síðan starfsfólk HSU að safna gögnum fyrir mótefnamælingar í samstarfi við Íslenska erfðagreiningu og hafa rúmlega 550 manns mætt í þessa sýnatöku. Það er líka mjög mikilvægt skref í baráttunni við veiruna. Ég hvet þá sem fá boð um að fara í þessa mælingu að gera það.

Ég veit að það er komin þreyta í marga en við þufum bara að klára þessa törn. Við erum vön því að taka tarnir og þetta er ein þeirra, þótt hún sé ekki lík neinu því sem við höfum áður kynnst.

Sumardagurinn fyrsti er í dag og ''Hún rís úr sumarsænum, í silkimjúkum blænum, með fjöll í feldi grænum, mín fagra Heimaey''. Og við erum öll að velta því fyrir okkur hvernig þetta verður allt saman. Það er líka mikilvægt að geta séð ljósið við endann á göngunum. Halda í vonina um bjartari tíð.

Ég vona svo sannarlega, og er raunar sannfærð um, að við getum átt ánægjulegt og bara nokkuð eðlilegt sumar. Ég vona líka að við getum haldið okkar hátíðir og viðburði, þótt við vitum ekki nákvæmlega hvenær eða í hvaða formi. Ákvarðanir um þetta eru ekki tímabærar, hvorki af né á. ''Þríeykið'' þreytist aldrei á að minna okkur á að við erum að feta ótroðnar slóðir og læra eitthvað nýtt á hverjum degi. Þess vegna höldum við alltaf í vonina og gerum síðan það besta úr hverri nýrri stöðu sem kemur upp!

Ég er óendanlega stolt af því hvernig við höfum tekist á við þetta stóra samfélagsverkefni. Hjálpsemin og umhyggjan hefur verið ríkjandi. Við höfum öll umturnað lífinu okkar og daglegum venjum. En við höfum líka sýnt að þetta er hægt. Höldum áfram á sömu braut og klárum þetta með sama glæsibrag og við höfum gert hingað til. Þetta tekur enda. Sumarið er komið og það styttist í að ''þá mun allt verða eins og var, sko áður en þú veist, þú veist!''

Mínar bestu óskir til ykkar allra um gleðilegt sumar!

 

Íris Róbertsdóttir,

bæjarstjóri

 

Greinin birtist fyrst á vef Vestmannaeyjabæjar.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.