Ætla að auka framkvæmdahraða slökkvistöðvar, skipalyftukants og bæjarskrifstofa

22.Apríl'20 | 09:09
ahaldahus

Auka á framkvæmdahraða slökkvistöðvar sem mun rísa á þessari lóð. Ljósmynd/TMS

Aðgerðir Vestmannaeyjabæjar til handa fyrirtækjum og heimilum vegna Covid-19 voru kynntar á fundi bæjarráðs í gær.

400 milljónir áætlaðar til ýmissa stærri framkvæmda

1. Í aðgerðapakka bæjarstjórnar um viðspyrnu í Vestmannaeyjum sem bæjarstjóri kynnti á bæjarstjórnarfundi þann 16. apríl sl., lýsti bæjarstjórn sig reiðubúna til að ráðast í aðgerðir fyrir 714 m.kr. umfram fjáhagsáætlun 2020 í tengslum við umræddar aðgerðir. Þar af er 400 m.kr. áætlaðar til ýmissa stærri framkvæmda, m.a. til auka framkvæmdahraða slökkvistöðvar, skipalyftukants og bæjarskrifstofa. Jafnframt hefur ýmsum minni framkvæmdum og viðhaldsverkefnum verið bætt við að fjárhæð 314 m.kr. Þeim verkefnum verður forgagnsraðað til að mæta aukinni þörf og verkefnastöðu fyrirtækja í Vestmannaeyjum vegna veirunnar.

250 manns að nýta úrræði um hlutabætur - 100 einstaklingar atvinnulausir

2. Staða atvinnumála í Vestmannaeyjum eru meðal verkefna sem viðbragðsstjórn bæjarins hefur einbeitt sér að undanfarna daga og vikur. Mikilvægt er að Vestmannaeyjabær hafi góða yfirsýn yfir stöðu atvinnumála í Vestmannaeyjum og fylgist með þróuninni.

Fljótlega eftir að veirunnar varð vart í Vestmannaeyjum var leitað til Vinnumálastofnunar um tölfræðilegar upplýsingar um stöðu atvinnuleysis og hlutabótaúrræða vegna skerts starfshlutfalls hjá fyrirtækjum og einstaklingum. Vinnumálastofnun hefur reglulega látið Vestmannaeyjabæ í té upplýsingar um stöðu mála. Ljóst er á þeim upplýsingum að fjölgun hefur orðið á atvinnuleysi og hlutabótaúrræðunum í mars og það sem af er apríl.

Í Vestmannaeyjum eru um 250 manns að nýta úrræði um hlutabætur vegna skerts atvinnuleysis og 100 einstaklingar eru skráðir atvinnulausir samanborið við 50-60 manns í venjulegu árferði. Tölur Vinnumálastofnunar um hlutfall atvinnuleysis í Vestmannaeyjum í mars var 6,4% og spár stofnunarinnar gerir ráð fyrir 12% atvinnuleysi í apríl og 10% í maí.

Auka sveigjanleika í innheimtu gjalda og gjaldfrestum

3. Í aðgerðapakkanum er einnig að finna aðgerð sem miðar að því að auka sveigjanleika í innheimtu gjalda og gjaldfrestum hjá Vestmannaeyjabæ. Leita þarf ráðlegginga og leiðbeininga um reglur fyrir slíkum tilslökunum og gert er ráð fyrir að starfsfólk stjórnsýslu- og fjármálasviðs móti slíkar reglur í samráði við Samband íslenskra sveitarfélga og kynni bæjarráði.

Upplýst um aðgerðir SASS

4. Bæjarstjóri kynnti minnisblað Samtaka Sunnlenskra sveitarfélaga sem tekið var saman um fund samtakanna með þingmönnum Suðurkjördæmis, stjórn SASS og bæjar- og sveitarstjórum á Suðurlandi. Á fundinum var upplýst um aðgerðir SASS og sveitarfélaganna á Suðurlandi í tengslum við COVID-19 og hugmyndir um leiðir til viðspyrnu og sóknarfæri ræddar sem og aðkomu ríkisins.


Niðurstaða

1. Bæjarráð mun ákveða viðbætur vegna framkvæmda við fjárhagsáætlun 2020 með viðauka við fjárhagsáætlun þegar ráðist verður í framkvæmdirnar.

2. Bæjarráð þakkar upplýsingarnar og fer þess á leit við bæjarstjóra að bæjarráð sé upplýst með reglulegum hætti um atvinnuleysi og hlutabótaúrræða vegna skerts starfshlutfalls.

3. Framkvæmdastjóra stjórnsýslu- og fjármálasviðs falið að kanna hvort verið sé að móta, eða til séu, reglur um sveigjanleika innheimtu og gjaldheimtu sveitarfélaga og leggja grunn að slíkum reglum fyrir Vestmannaeyjabæ og leggja fyrir bæjarráð.

4. Bæjarráð þakkar upplýsingarnar.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).