Þjónusta á vegum Hugarafls og Geðhjálpar á tímum Covid

– fyrir fólk með geðraskanir og andlega vanlíðan

15.Apríl'20 | 09:52
heimaey_gig

Ljósmynd/Gunnar Ingi

Félagasamtökin Hugarafl og Geðhjálp hafa í samvinnu við Heilbrigðisráðuneytið unnið að nýjungum á sviði ráðgjafar til félagsmanna sinna á tímum Covid 19 og eru nú að bjóða þjónustu út á landsbyggðina.

Vakin er athygli á því að fólk sem á við andlega vanlíðan og/eða geðræna erfiðleika að stríða getur fengið aðstoð í formi símtala, tölvupósta, netfunda og viðtala í gegnum netið. Hugarafl býður einnig upp á tenglaþjónustu fyrir sína skjólstæðinga og nýliða, en er einnig með opið streymi vikulega á facebook síðu sinni. Streymið fjallar um andlega líðan og bjargráð og það er hægt að horfa á streymið eftir á.  Á samskiptaforritinu Zoom er m.a. boðið upp á vinnusmiðjur um ýmis þemu, eins og skipulag vikunnar, bata, valdeflingu, sjálfsumhyggju og fleira. Nokkuð hefur verið um nýliða að undanförnu og taka liðsmenn Hugarafls og Geðhjálpar vel á móti þeim sem hafa samband og hefja stuðning.

Þeir sem vilja nota sér þessa þjónustu og/eða fá nánari upplýsingar geta haft samband við tengilið Vestmannaeyjabæjar við Hugarafl, Guðrúnu Jónsdóttur yfirfélagsráðgjafa Vestmannaeyjabæjar, í netfangi gudrun@vestmannaeyjar.is eða síma 488 2000 (endilega látið taka skilaboð ef ekki næst í Guðrúnu þá stundina).

Þá getur fólk einnig sett sig beint í samband við Hugarafl (sjá vefsíðu þeirra hugarafl.is; sími 414 1550) og Geðhjálp (sjá vefsíðu þeirra gedhjalp.is ; sími 570 1700).

Vestmannaeyjabær fagnar þessu framtaki og hvetur einstaklinga sem geta hugsað sér að þiggja þessa þjónustu til að hafa samband.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.