Hraunbúðir:

Gera tilslakanir eftir 4. maí komi ekki bakslag

15.Apríl'20 | 17:53
hraunbu_skilt_2020

Hraunbúðir. Ljósmynd/TMS

Stjórnendur Hraunbúða sátu vikulegan samráðsfund hjúkrunarheimila og almannavarna í morgun þar sem m.a var rætt um tilslakanir á heimsóknarbanninu.  

Þetta kemur fram á vefsvæði Hraunbúða í tilkynningu til aðstandenda heimilsfólks á Hraunbúðum. Þar segir jafnframt að það þurfi að halda þetta út fram til 4. maí því engum hömlunum verður aflétt fyrr en þá. Mikilvægt er að halda árvekni þó nokkrir dagar séu síðan smit greindist í bænum okkar.

Eftir 4. maí stendur til að gera tilslakanir að því gefnu að sá góði árangur sem náðst hefur í baráttunni gegn Covid 19 haldist. Í hvaða formi þær tilslakanir verða, verður greint frá í næstu viku og munu aðstandendur verða upplýstir um það um leið og þær liggja fyrir. Enn fremur segir að nokkrar góðar hugmyndir séu komnar fram.  

Hraunbúðir munu fylgja öðrum hjúkrunarheimilum eftir hvað þetta varðar. Munum að við þessar ákvarðanir er verið að horfa á lágmörkun á áhættu á að smit berist inn á heimilið og heilsa íbúa er alltaf í fyrsta sæti. En mikið verður nú ljúft þegar samverustundirnar verða orðnar að veruleika á ný, því félagsleg og andleg heilsa skiptir jú líka gífurlega miklu máli, segir í tilkynningunni.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.