„Við færðum þjóðinni mikil verðmæti“

15.Apríl'20 | 13:53
s_binni

Sig­ur­geir Brynjar Krist­geirs­son

Sig­ur­geir Brynjar Krist­geirs­son, fram­kvæmda­stjóri Vinnslu­stöðv­ar­innar, segir að þótt vissulega séu erf­iðir tímar þá gildi líka lög á erfiðum tímum. 

,,Ég hef oft heyrt í fréttum að ríkið hafi tapað máli og verið dæmt til greiðslu skaða­bóta í kjöl­farið en aldrei áður heyrt því hótað að skatt­leggja þá sem urðu fyrir skað­anum sér­stak­lega fyrir skaða­bót­un­um. Ég er ekki lög­lærður en ég að held ég geti full­yrt að þessa laga­túlkun sé ekki að finna í lög­bókum rétt­ar­ríkja.“

Aldrei áður heyrt því hótað að skatt­leggja sér­stak­lega þá sem urðu fyr­ir skaða

Sig­ur­geir Brynjar segir þetta í viðtali við Morgunblaðið í dag. Til­efnið er það að bæði Katrín Jak­obs­dóttir for­sæt­is­ráð­herra og Bjarni Bene­dikts­son, fjár­mála- og efna­hags­háð­herra, gagn­rýndu útgerðirnar sjö sem stefnt hafa rík­inu og vilja fá 10,2 millj­arða króna, auk vaxta­greiðslna upp á millj­arða króna, vegna þess að þær telja sig hafa verið snuð­aðar við úthlutun á mak­ríl­kvóta um nokk­urra ára skeið. Vinnslu­stöðin er ein þeirra útgerða sem fer fram á að ríkið greiði sér skaða­bæt­ur.

Bjarni sagði á Alþingi í gær að ef svo ólík­lega færi að ríkið myndi tapa mál­inu þá væri það ein­falt mál í sínum huga að reikn­ing­­ur­inn vegna þess verði ekki sendur á skatt­greið­end­­ur. „Reikn­ing­­ur­inn vegna þess verður þá að koma frá grein­inni. Það er bara svo ein­falt.“

Sig­ur­geir Brynj­ar sagði þessi orð Bjarna vekja ýms­ar spurn­ing­ar og um sér­staka hót­un væri að ræða. ,,Ég hef oft heyrt í frétt­um að ríkið hafi tapað máli og verið dæmt til greiðslu skaðabóta í kjöl­farið en aldrei áður heyrt því hótað að skatt­leggja þá sem urðu fyr­ir skaðanum sér­stak­lega fyr­ir skaðabót­un­um. Ég er ekki lög­lærður en ég að held ég geti full­yrt að þessa laga­túlk­un sé ekki að finna í lög­bók­um rétt­ar­ríkja,“ seg­ir Sig­ur­geir í Morgunblaðsviðtalinu.

Buðu rík­inu að semja um lausn

„Við höf­um verið beitt rang­ind­um sem Hæstirétt­ur hef­ur dæmt um. Við, frum­kvöðlar í mak­ríl­veiðum, sem unn­um þjóðinni rétt sem strand­rík­is við mak­ríl­veiðar, get­um ekki verið söku­dólgarn­ir hér. Við færðum þjóðinni mik­il verðmæti. Ef Vinnslu­stöðin hefði verið dæmd fyr­ir að gera eitt­hvað rangt hefði henni verið gert að bæta skaðann eða beitt öðrum úrræðum af rík­inu. Hæstirétt­ur hef­ur dæmt um að við höf­um orðið fyr­ir tjóni. Nú á eft­ir að dæma um hvert tjónið var, þar stend­ur málið og ríkið ætl­ar eðli­lega að taka til varna.“

Hann seg­ir það dap­ur­legt að ríkið hafi með ólög­mætri nálg­un við skipt­ingu mak­ríl­kvóta frá 2011 til 2018 fært mak­ríl­kvóta frá fyr­ir­tækj­um sem áttu rétt til veiðanna til annarra, sem ekki hafi átt lög­boðinn rétt. Sig­ur­geir seg­ist hafa fyr­ir hönd út­gerðarfé­lag­anna boðið rík­inu að semja um lausn þessa máls fyr­ir laga­setn­ing­una síðasta vor, en ekki hafi verið vilji til þess.

Sjá einnig: Krefja ríkið um rúmlega 10 milljarða bætur

13% hafa runnið í vasa út­gerðarfyr­ir­tækj­anna

Haft er eftir Sig­ur­geir Brynj­ari í viðtalinu að fyr­ir­tæk­in sjö hafi verið á meðal þeirra sem hafi byrjaði mak­ríl­veiðar fyr­ir rösk­um ára­tug og hafi fært mikla fjár­muni inn í þjóðarbúið með frum­kvöðla­starfi sínu.

„Ég skýrði frá því fyrr í vet­ur að út­flutn­ings­verðmæti mak­rílafla í heild hefði frá upp­hafi veiða numið 200 millj­örðum. Ef ég skipti þess­um 200 millj­örðum í sam­ræmi við skatta­spor KPMG sem unnið var fyr­ir Vinnslu­stöðina hef ég reiknað út að með frum­kvæði okk­ar höf­um við fært rík­is­sjóði, sveit­ar­fé­lög­um og líf­eyr­is­sjóðum 72 millj­arða, launþegum lands­ins 56 millj­arða, marg­ir fleiri hafa notið góðs af og 13% hafa runnið í vasa út­gerðarfyr­ir­tækj­anna eða um 26 millj­arðar.”

 

Allt viðtalið má lesa í Morgunblaðinu í dag.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%