Þurfa að ljúka girðingarframkvæmdum vestan við Hásteinsvöll fyrir fyrsta heimaleik

7.Apríl'20 | 08:04
hasteinsvollur_2017

Hásteinsvöllur. Ljósmynd/TMS

Stjórn KSÍ tók fyrir tillögur mannvirkjanefndar um vallarleyfi á fundi stjórnarinnar í síðasta mánuði.

Stjórnin samþykkti 18 vallarleyfi í samræmi við tillögur nefndarinnar en afgreiðslu vallarleyfa fjögurra keppnisvalla var frestað. Fram kemur að ÍBV þurfi að fara í girðingarvinnu í kringum Hásteinsvöll og fær völlurinn keppnisleyfi ef girðingarframkvæmdum vestan vallar verður lokið fyrir fyrsta heimaleik. 

Ólafur Snorrason, framkvæmdastjóri umhverfis- og framkvæmdasviðs Vestmannaeyjabæjar segir í samtali við Eyjar.net að Vestmannaeyjabær beri ábyrgð á þessu. Hann segir girðingarnar komnar til Eyja, og beðið sé eftir uppsetningu á þeim.

Enn er óvíst hvenær leiktíðin hefst í knattspyrnunni sökum kórónuveiru-faraldursins. en upphaflega var áætlað að keppni í 1. deild karla sem og úrvalsdeild kvenna hæfist í byrjun maí. 

Stjórn KSÍ ákvað einnig í ljósi aðstæðna í íslensku samfélagi að krefjast ekki prófa á gervigrasvöllum á keppnistímabilinu 2020. Þó þurfa umræddar prófanir að liggja fyrir tímanlega áður en kemur að útgáfu vallarleyfa fyrir keppnistímabilið 2021. Þau félög sem leika í Evrópukeppni á komandi keppnistímabili þurfa að standa skil á tilskilinni úttekt til UEFA.

Þá kom einnig fram á fundi stjórnar KSÍ að UEFA gerir kröfur um flóðlýsingu í leikjum á vegum sambandsins, sem er frá 800 lúx og hærra. Flóðlýsingarstaðan á Íslandi er alls ekki góð því staðan er sú að eini leikvangurinn sem uppfyllir þessa kröfu er Laugardalsvöllur.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.