Uppfært: Aprílgabb Eyjar.net

Rostungur í Höfðavík

1.Apríl'20 | 11:04
eyjarnet2

Rostungurinn í Höfðavík.

Í morgun kom rostungur á land í Höfðavíkinni. Virðist hann ágætlega á sig kominn, en ekki er ósennilegt að hann fari á haf út aftur á næsta flóði. 

Rostungar eru sjaldgæfir við Íslandsstrendur. Eftir stutta könnun Eyjar.net sést að árið 2015 sást rostungur svamla í sjónum við Látrabjarg. Árið 2013 sást um þriggja metra langur rostungur í fjörunni hjá Eyri í Reyðarfirði og annar sama ár í Jök­uls­ár­lóni. Fram kemur að rostungar hafi sést á 2-3 ára fresti und­an­far­in ár.

Fram kem­ur á vef Sela­set­urs­ins á Hvammstanga að heim­kynni rost­unga séu rekís­breiður á grunn­sævi með strönd­um Norður-Íshafs­ins, m.a. við Aust­ur- og Vest­ur-Græn­land. Þeir fylgja ís­rönd­inni eft­ir þegar hún fær­ist árstíðabundið, en haf­ast ekki við á óbrotn­um lagnaðarís.

Rost­ung­ar eru risa­vax­in dýr og geta briml­ar orðið ríf­lega 3,5 metr­ar að lengd og þyngri en 1,6 tonn. Högg­tenn­ur brimla geta orðið allt að metri á lengd. Þær þjóna fé­lags­leg­um til­gangi til að sýna stöðu ein­stak­lings­ins inn­an hóps­ins, en rost­ung­ar nota þær einnig sem vopn ef með þarf.

Rost­ung­ar geta verið skeinu­hætt­ir sjófar­end­um og eiga það t.d. til að ráðast á kaj­akræðara. Þeir kunna að snú­ast til varn­ar séu þeir ónáðaðir í ná­vígi, en ættu þó ekki að vera hættu­leg­ir á landi séu þeir látn­ir í friði.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.