Harðákveðinn í að koma aftur á Þjóðhátíð

Á leiðinni heim af Þjóðhátíð lenti Aron í mjög alvarlegu bílslysi við Rauðhóla og var vart hugað líf í ellefu daga. Meiðsl hans voru og eru enn þann dag í dag mjög alvarleg.

Fundu krabbamein í rannsóknunum

Í rannsóknum út af áverkum sem hann fékk í slysinu kom í ljós að hann er með krabbamein og fékk hann fjóra mánuði til að koma sér sem mest á fætur áður en krabbameinsmeðferðin hófst. Hann mun klára þá meðferð í lok júní, en þá tekur við 12-18 mánaða endurhæfing út af slysinu.

Það sem hreinlega hefur haldið lífi í Aroni þessa hrikalega erfiðu mánuði er að komast á næstu Þjóðhátíð með vinahópnum sínum sem hefur staðið vaktina í orðsins fyllstu merkingu í veikindum Arons.

Getur ekki gist í tjaldi

Allir sem einn hafa þeir farið í gegnum þennan dimma dal slyss og veikinda. Það er ljóst að Aron getur ekki veikinda sinna vegna verið í tjaldi og þess vegna vildi vinahópurinn kanna hvort einhverjir góðhjartaðir Eyjamenn gætu hugsað sér að leigja þeim hús yfir hátíðina. Hægt er að senda tölvupóst á hilmarsb@gmail.com. Lofað er góðri umgengni.

Aron sagði sögu sína í Íslandi í dag í desember. Hér má sjá viðtalið.