Vestmannaeyjabær kynnir fyrstu fjárhagsaðgerðir vegna COVID-19

26.Mars'20 | 17:33
skólavegur_20

Vestmannaeyjabær. Ljósmynd/TMS

Bæjarráð kom saman til fjarfundar í dag. Meðal umræðuefnis voru aðgerðir Vestmannaeyjabæjar til þess að koma til móts við fyriræki og heimili vegna þeirrar tekjuskerðingar og annarra fjárhagsörðugleika sem leiða af COVID-19.

Ríkisstjórnin hefur nú þegar kynnt efnahagsáælun sína og þar er m.a. lagt til að sveitarfélög leggi þessu átaki lið með þeim hætti sem mögulegt er og sérstaklega með tilslökunum og auknum framkvæmdum, eða tilfærslu á þeim framkvæmdum sem ákveðið hefur verið að ráðast í. Vestmannaeyjabæjar hefur þegar hafið undirbúning að tilslökunum og öðrum aðgerðum til að létta birgðar heimila og fyrirtækja. Hægt er að grípa til nokkurra aðgerða strax, en aðrar þurfa meiri undirbúning. Þetta kemur fram í tilkynningu frá Vestmannaeyjabæ.

Bæjarráð hefur því ákveðið að grípa straxt til eftirfarandi aðgerða:

  • að fresta næstu tveimur gjalddögum fasteignagjalda. Gjalddagar fasteignagjalda 15. apríl og 15. maí n.k. koma því til greiðslu 15. desember 2020 og 15. janúar 2021.
     
  • að innheimta aðeins gjöld fyrir þá þjónustu sem veitt er. Það þýðir að t.d. að ef foreldrar tilkynna að þeir sendi börn sín ekki í leikskóla á einhverju tímabili verða ekki innheimt leikskólagjöld fyrir umrætt tímabil. Þegar veitt er 50 % þjónusta þá er greitt 50% gjald. Þetta á jafnframt við um aðra þjónustu af þessu tagi.
     
  • að fresta því til a.m.k. 25. apríl n.k. að senda út reikninga vegna þjónustu sem Vestmannaeyjabær hefur þegar veitt, t.d.leikskólagjöld og þjónustu leik- og grunnskóla.
     
  • að færa til framkvæmdir og viðhald á vegum bæjarins til þess að skapa einstaklingum störf og fyrirtækjum tekjur. Vestmannaeyjabær hefur þegar ákveðið að flýta nokkrum viðhaldsverkefnum í fjárhagsáætlunum bæjarins.
     
  • að hefja undirbúning að markaðsátaki í ferðaþjónustu fyrir árið 2020

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.