Veglegur styrkur til Sagnheima

25.Mars'20 | 13:07
safnahus_a

Sagnheimar eru til húsa í Safnahúsinu. Ljósmynd/TMS

Eftir marga viðburði, bæði stóra og smáa í Safnahúsi á síðasta ári sem flestir tengdust afmælisári Vestmannaeyjabæjar sem þá fagnaði 100 ára afmæli var ákveðið að halda áfram á sömu braut á nýju ári. 

Stundum fara hlutirnir ekki eins og ætlað er og nú er það Covid 19 veiran frá Kína sem er til vandræða og allt í frosti. Það er þó ljós við enda gangnanna því Sagnheimar hafa fengið veglegan styrk frá Safnaráði sem mun hleypa lifi í starfsemina þegar hjólin fara að snúast á ný.

Samkvæmt heimasíðu Safnaráðs fengu Sagnheimar Byggða og Náttúrugripasafn 3.900.000 í verkefnastyrki að þessu sinni sem mun svo sannarlega styrkja söfnin okkar til framtíðar.

,,Það var gaman að fá fréttir af þessu nú þegar allt er á bið hjá okkur vegna veirunnar,‘‘ sagði Hörður Baldvinsson, forstöðumaður Sagnheima. ,,Ég sótti um nokkra styrki og í síðustu viku fékk ég að vita að allar umsóknirnar okkar fengu jákvæða umsögn sérfræðinga Safnaráðs og fengum við verulega upphæð sem hleypir vonandi nýju lífi í starfsemina. Það er margt á döfinni, sýningar, fyrirlestrar og ráðstefnur eins og verið hafa undanfarin ár. En nú er hægt að setja meiri kraft í þetta.

Mér finnst gaman að geta sagt frá þessu núna þegar lítið er um að vera. Það mun birta og þá setjum við allt á fullt og horfum björtum augum til sumarsins,‘‘ sagði Hörður að endingu.

Tags

Sagnheimar

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.