Skipin í landi vegna óvissu á mörkuðum og slæms veðurútlits

20.Mars'20 | 15:22
IMG_8681

Bergey VE á leið í land. Ljósmynd/TMS

Ísfisktogarar Bergs-Hugins í Vestmannaeyjum, Bergey VE og Vestmannaey VE, komu til löndunar sl. mviðvikudag. Bæði skipin voru með fullfermi af stórum og fallegum ufsa. 

Vestmannaey fékk aflann á Selvogsbankanum en Bergey rétt fyrir austan Eyjar. Núna liggja bæði skipin í höfn og er ástæðan tvíþætt; annars vegar slæm veðurspá fram yfir helgi og hins vegar sú óvissa sem ríkir á ferskfiskmörkuðum vegna Covid 19. Frá þessu er greint á vefsíðu Síldarvinnslunnar.

Hvað veðrið varðar þá eru tvær lægðir væntanlegar um helgina og ölduspá er afar slæm. Hvað markaðsaðstæðurnar varðar þá hefur eftirspurn eftir ferskum fiski á hefðbundnum mörkuðum hrunið. Verslanir vilja helst frosna vöru og veitingahús eru flest lokuð.

Arnar Richardsson, rekstrarstjóri Bergs-Hugins segir að langmest af fiskinum sem skipin hafa borið að landi tvær síðustu vikurnar hafi farið til vinnslu hér heima og er hann unninn í Vestmannaeyjum, Seyðisfirði, Neskaupstað, Dalvík og Akureyri. Nú er beðið og fylgst með stöðunni á mörkuðunum erlendis. Spurningin er hvernig hún verður eftir helgi. Bergur-Huginn sendi reyndar út einn lítinn gám til Englands í vikunni en það var fyrst og fremst gert til að viðhalda tengslum.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.