Skerða áætlun Herjólfs enn frekar vegna COVID-19

19.Mars'20 | 13:46
IMG_1778

Herjólfur siglir aðeins fjórar ferðir á dag næstu fjórar vikurnar a.m.k. Ljósmynd/TMS

Í dag var tilkynnt um breytta áætlun Herjólfs sem tekur í gildi frá og með morgundeginum, 20.mars og gildir a.m.k. næstu fjórar vikurnar.

Breytingin nú felst í því að búið er að fella niður fyrstu ferð dagsins, sem farið hefur frá Eyjum klukkan 7.00 á morgnana og miðdegisferðina sem farið hefur frá Eyjum kl. 14.30 og frá Landeyjum kl. 15.45. Áður hafði verið tilkynnt um niðurfellingu síðustu ferðar ferjunnar. Eru því aðeins farnar fjórar ferðir á dag hér eftir.

Enn fremur segir í tilkynningunni að í ljósi aðstæðna þurfi að skerða áætlun næstu fjórar vikurnar eða svo. Er það gert til þess að vernda starfsfólk og farþega fyrir þeim vágesti sem er að herjar á okkur og til þess að halda uppi siglingum milli lands og Eyja. Vonast starfsfólk Herjólfs að þessi ákvörðun komi til með að mæta skilningi.

„Enn og aftur viljum við biðla til allra að fara eftir fyrirmælum yfirvalda og sýna ábyrgð.” segir að endingu í tilkynningunni.

Eftir þessa breytingu eru brottfarartímar Herjólfs í Landeyjahöfn svona:

  • Frá Vestmannaeyjum kl: 09:30, 12:00, 17:00 og 19:30
  • Frá Landeyjahöfn kl:10:45, 13:15, 18:15 og 20:45

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).