Færðir í fangageymslu eftir árekstur

Tryggvi Kr. Ólafsson, lögreglufulltrúi segir málið enn í rannsókn. „Tveir menn voru handteknir og gista fangageymslu sökum vímuefnaástands, skýrsla verður tekin af þeim í dag eftir að víman rennur af þeim.”

Sjá einnig: Keyrði niður ljósastaur

Hann segir að óhappið hafi borið að með þeim hætti að bifreið hafi verið ekið suður Friðarhafnarbryggju og inn á Strandveg þar sem ökumaðurinn missti stjórn á bifreiðinni og lenti á ljósastaur. Bifreiðin er óökufær á eftir og ljósastaurinn ónýtur. Hvorugur mannanna slasaðist í óhappinu.