Þrettán í sóttkví í Eyjum

15.Mars'20 | 08:48

Vestmannaeyjar.

Í lok dags í gær voru þrettán einstaklingar í sóttkví í Vestmannaeyjum, að sögn Hjartar Kristjánssonar sóttvarnarlæknis á Suðurlandi.

Hörtur segir að enginn með staðfest smit um COVID-19 séu fram komin í Vestmannaeyjum enn sem komið er.

Uppfærsla á áhættumati Sóttvarnlæknis

Síðdegis í gær hækkaði sóttvarnarlæknir áhættumat fyrir Spán, Þýskaland og Frakkland í ljósi útbreiðslu COVID-19 í þeim löndum. Önnur slík svæði eru: Kína, Íran, Suður Kórea, Ítalía og skíðasvæði í Ölpunum.

Ástæða hækkunar á áhættumati er mikil fjölgun sýktra og alvarlega veikra í þessum löndum. Spánn (þar á meðal Kanaríeyjar), Þýskaland og Frakkland teljast því nú til hááættusvæða.

Sóttkví
Íslendingar sem koma frá Spáni og Frakklandi skulu fara í sóttkví í 14 daga frá og með deginum í dag 14. mars 2020. Farþegar sem koma frá Þýskalandi skulu fara í sóttkví í 14 daga frá og með 12. mars 2020.

Ferðalög
Íslendingum er ráðið frá ferðalögum og Íslendingum á ferðalagi erlendis ráðlagt að íhuga hvort að ástæða sé til að flýta heimför.

Ekki er víst hvaða aðgang og réttindi Íslendingar munu hafa að heilbrigðisþjónustu auk þess sem heilbrigðiskerfi í mörgum ríkjum anna ekki álagi, hvort sem um er að ræða ferðamenn eða þá sem dvelja langdvölum erlendis, segir í tilkynningu á vef Landlæknis.

Skilgreind svæði með smitáhættu