Hvíslið:

6-0

3.Mars'20 | 18:59
visitvestmannaeyjar

Ef þau bara vissu !

Það var merkilegt að þegar ferðamannastraumurinn var í hámarki til Íslands ákváðu þáverandi bæjaryfirvöld að taka ekki þátt í því ævintýri og leggja niður starf ferða- og kynningarfulltrúa Vestmannaeyjabæjar.

Engin hefur því sinnt slíku starfi síðustu árin og á meðan bruna ferðamennirnir framhjá Landeyjahafnarvegi í þúsunda vís á dag. Þrátt fyrir að höfnin sé opin. Það veit enginn þeirra af Vestmannaeyjum.

Á Akureyri opnuðu bæjaryfirvöld hins vegar Akureyrarstofu. 

Á vef stofunnar segir að Akureyrarstofa sé heimahöfn menningar-, markaðs-, kynningar- og ferðamála hjá Akureyrarbæ. Jafnframt annast hún viðburðahald fyrir bæinn og samskipti við fjöldamarga skipuleggjendur viðburða í bænum. Miðpunktur starfseminnar er Akureyri en Akureyrarstofa hefur náið samstarf við aðila sem vinna á stærri svæðum s.s. Markaðsstofu Norðurlands og Atvinnuþróunarfélag Eyjafjarðar. 

Upplýsingamiðstöð ferðamanna á Akureyri er rekin af Akureyrarstofu sem annast upplýsingagjöf til ferðamanna þegar þeir eru komnir til Akureyrar, auk þess að svara fyrirspurnum allsstaðar að úr heiminum. 

Akueyrarstofa rekur vefina www.akureyri.is og visitakureyri.is og annast markaðsstarf bæjarins á samfélagsmiðlum. 

Markmið starfseminnar er að Akureyri vaxi í hugum íbúa og gesta sem mjög áhugaverður áfangastaður fremur en viðkomustaður. Leiðarljós Akureyrarstofu og starfsmanna hennar er að Akureyri sem höfuðstaður Norðurlands, tryggi sinn sess sem vinsæll áfangastaður og búsetukostur, þekkt fyrir góða ferðaþjónustu allt árið og kraftmikið og gott líf.

Á Akureyrarstofu starfa sex starfsmenn. Ekki er hér verið að leggja til að Vestmannaeyjabær fari út í slík umsvif. En það gæti verið ágæt byrjun að endurvekja starf ferðamálafulltrúa. Sé réttur maður ráðinn í það starf er sú staða ekki lengi að borga sig upp. Bæjaryfirvöld hafa mælitækið á sinni hendi - já, í gegnum rekstur Herjólfs.

Ferðaþjónustan er stærsta útflutningsgreinin í íslensku atvinnulífi í dag. Það virðist alveg hafa farið fram hjá forystumönnum í Vestmannaeyjum.

 

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.