Bæjarstjórn Vestmannaeyja:

Ekki eining um skipulagsbreytingar hjá Vestmannaeyjahöfn

1.Mars'20 | 08:45
IMG_8911

Vestmannaeyjahöfn. Ljósmynd/TMS

Á fundi bæjarstjórnar Vestmannaeyja á fimmtudaginn síðastliðinn lá skipurit Vestmannaeyjahafnar fyrir til umræðu og staðfestingar. 

Forsaga málsins er sú að skipaður var starfshópur af framkvæmda- og hafnarráði sem skilaði tveimur tillögum til bæjarstjórnar um breytt skipulag í yfirstjórn hafnarinnar. Annars vegar að ráðinn yrði á ný sérstakur hafnarstjóri sem heyra myndi beint undir bæjarstjóra og hins vegar að ráðinn yrði verkstjóri hafnarþjónustu sem heyrir undir framkvæmdastjóra umhverfis- og framkvæmdasviðs.

Telja nýtt stöðugildi stjórnanda við höfnina er ótímabært og verulega rekstraríþyngjandi

Á fundi bæjarstjórnar lögðu bæjarfulltrúar Sjálfstæðisflokksins til að nýtt stöðugildi á framkvæmdasviði sem var samþykkt í fjárhagsáætlun verði fyrst auglýst og metið hvernig sá starfsmaður dragi úr álagi á stjórnendur á sviðinu, áður en farið verði í stórar breytingar á skipuriti Vestmannaeyjabæjar. Bæjarstjóri og nýr mannauðsstjóri veiti sviðinu aukinn stuðning og að starfslýsingar og verkskipting starfsmanna hafnarinnar verði tekin til endurskoðunar. Nýtt stöðugildi stjórnanda við höfnina er ótímabært og verulega rekstraríþyngjandi.

Ofangreind tillaga var felld með fjórum atkvæðum H- og E-lista gegn þremur atkvæðum D-lista.

Samþykkt að ráðinn verði hafnarstjóri

Í kjölfarið var lögð fram tillaga samkvæmt tillögu stafshóps að ráðinn verði sérstakur hafnarstjóri sem heyrir beint undir bæjarstjóra.

Tillagan var samþykkt með fjórum atkvæðum H- og E-lista gegn þremur atkvæðum D-lista.

Segja langar og óskýrar boðleiðir valda því að stjórnun hafnarinnar er ekki eins og best verður á kosið

Í bókun frá bæjarfulltrúum H- og E-lista segir að Vestmanneyjahöfn sé lífæð samfélagsins bæði hvað varði atvinnustarfsemi og sem aðalsamgönguæð.

Það kemur skýrt fram í minnisblaði sem starfshópur framkvæmda- og hafnarráðs skilaði af sér að bæta þurfi skipulag og umgjörð starfsemi hafnarinnar töluvert svo vel sé. Mikið álag á stjórnendur hafnarinnar og langar og óskýrar boðleiðir valda því að stjórnun hafnarinnar er ekki eins og best verður á kosið. Skýra þurfi ábyrgðarsvið betur og gegnir hafnarstjóri þar lykilhlutverki.

Meirihluti E- og H- lista leggur til að staða hafnarstjóra verði endurvakin. Í framhaldinu þarf framkvæmda- og hafnarráð að skoða þau drög að skipulagi hafnarinnar sem liggja fyrir og skoða hvort hægt verði að hagræða með tilfærslum á verkefnum á móti.

Saka meirihlutann um að hafa ekki rekstrarhagsmuni Vestmannaeyjabæjar að leiðarljósi

Í bókun frá bæjarfulltúum Sjálfstæðisflokksins segir að Vestmannaeyjahöfn sé vel rekin, ársreikningar hafnarinnar sýna það svart á hvítu að rekstur hafnarinnar gengur með eindæmum vel. Meirihluti E- og H- lista fækkaði starfsfólki á framkvæmdasviði á síðasta ári m.v. það sem var árinu áður. Slíkt leiðir eðlilega til aukins álags á framkvæmdastjóra sviðsins sem og aðra starfsmenn.

Blikur á lofti eru í atvinnulífinu í Vestmannaeyjum, yfirvofandi loðnubrestur annað árið í röð sem mun valda tekjuskerðingu fyrir Vestmannaeyjahöfn, atvinnuleysi er vaxandi og því með öllu móti óábyrg og óskynsamleg ráðstöfun að þenja rekstur hafnarinnar út á sama tíma með auknu starfsmannahaldi. Ákvörðun fyrri meirihluta Sjálfstæðisflokksins að sameina stöðu hafnarstjóra við stöðu framkvæmdastjóra sviðsins hefur sparað sveitarfélaginu vel yfir 100 milljónir króna.

Hér er vinstri meirihlutinn að uppfylla kosningaloforð sín um hafnarstjórastöðu sem kostar á fimmtándu milljón á ári a.m.k. og gerir það án þess að hafa hagsmuni reksturs Vestmannaeyjabæjar að leiðarljósi. Enn á ný á að fjölga stöðugildum, þenja reksturinn út á tímum þar sem aðhalds er frekar þörf, segir í bókun minnihlutans.


 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).