Aldrei eins mikið siglt yfir háveturinn í Landeyjahöfn

Síðasti dagur sem siglt var til Landeyjahafnar í fyrra var þann 30. desember. Í janúar sigldi Herjólfur 8 heila daga og 3 hálfa daga. Auk þess var farin var 1 aukaferð 3. janúar kl. 00:00 frá Vestmannaeyjum í Landeyjahöfn. Í febrúar (til og með 26. febrúar) sigldi Herjólfur 11 heila daga og 1 hálfan dag.

Rétt er að hafa í huga að veður hafa verið sérlega válynd það sem af er ári, en dýpið í Landeyjahöfn hefur haldist sérlega gott í vetur auk þess sem dýpkunarskip var til taks stóran hluta vetrar og sinnti viðhaldsdýpkun þegar færi gafst.