Sigurjón Örn ráðinn fjármálastjóri Vestmannaeyjabæjar

24.Febrúar'20 | 17:38
sigurjon_orn_l

Sigurjón Örn Lárusson

Vestmannaeyjabær auglýsti á dögunum stöðu fjármálastjóra Vestmannaeyjabæjar lausa til umsóknar. Alls sóttu fimm einstaklingar um starfið, fjórir karlar og ein kona.

Við mat á umsóknum var fyrst og fremst horft til menntunar- og hæfniskrafna sem fram komu í starfsauglýsingunni, en jafnframt metnir aðrir þættir sem nýst gætu í starfi fjármálastjóra, svo sem sérstök reynsla eða þekking. Að loknu mati á öllum umsóknum var ákveðið að boða í starfsviðtöl þá tvo einstaklinga sem metnir voru hæfastir úr hópi umsækjenda, þar sem lagðar voru fyrir staðlaðar spurningar og fyrirfram ákveðnir umræðupunktar. Að loknum viðtölum var leitað eftir umsögnum frá nokkrum yfirmönnum og samstarfsmönnum umræddra umækjenda. Jafnframt var ráðgjafafyrirtækið Capacent fengið til þess að leggja persónuleika-/hæfnispróf fyrir umsækjendurna tvo. Frá þessu er greint í tilkynningu frá Vestmannaeyjabæ.

Að loknu endanlegu mati á öllum framangreindum þáttum ákvað Vestmannaeyjabær að ráða Sigurjón Örn Lárusson til að gegna stöðunni. Sigurjón Örn er viðskiptafræðingur að mennt og útskrifaðist með B.Sc. gráðu frá Háskólanum í Reykjavík árið 2007 og meistaragráðu í reikningsskilum og endurskoðun frá Háskóla Íslands árið 2013. Sigurjón Örn hefur starfað á endurskoðunarsviði Deloitte frá árinu 2007 og hefur víðtæka reynslu af uppgjörsvinnu og gerð ársreikninga sveitarfélaga. Hann hefur t.a.m. komið að uppgjörsvinnu og endurskoðun ellefu mismunandi sveitarfélaga, þ.m.t. Vestmannaeyjabæjar. Þá hefur Sigurjón Örn auk þess aðstoðað sveitarfélög við fjárhagsáætlanagerðir sem er stór þáttur í starfi fjármálastjóra sveitarfélaga.

Sigurjón Örn er 38 ára að aldri. Hann ólst upp í Garðabænum, en flutti til Vestmannaeyja árið 2007. Sigurjón Örn er giftur Berglindi Þórðardóttur, kennara og saman eiga þau þrjú börn.

Vestmannaeyjabær býður Sigurjón Örn velkominn til starfa, segir í tilkynningunni.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).