Almannavarnanefnd: Óvissustig sóttvarna vegna kórónaveirunnar

22.Febrúar'20 | 12:09

Almannavarnanefnd Vestmannaeyja fjallaði um viðbragð og útbreiðslu kórónaveirunnar, á fundi sínum nú í febrúar.

Í fundargerð nefndarinnar segir að í lok desember 2019 hafi borist fregnir af alvarlegum lungnasýkingum í Wuhan borg í Kína. Í kjölfarið var staðfest að um áður óþekkt kórónuveiruafbrigði er að ræða, sem nú kallast 2019-nCoV.

Staðfest er að veiran smitast á milli manna og að hún getur valdið alvarlegum veikindum. Faraldurinn breiðist hratt út en enn sem komið er hafa flest tilfellin greinst í Kína. Ekkert smit hefur enn verið greint á Íslandi. Ríkislögreglustjóri lýsti yfir óvissustigi almannavarna þann 27. janúar 2020 í samráði við sóttvarnalækni og embætti landlæknis vegna kórónaveirunnar.
 
Unnið er samkvæmt viðbragðsáætlun almannavarna, Landsáætlun-heimsfaraldur inflúensu. Ef svo ber undir má virkja Landsáætlun-sóttvarnir hafna og skipa, og Landsáætlun-alþjóðaflugvellir. Undirbúningur er hafinn vegna þessa í Vestmannaeyjum. Fundað hefur verið með sóttvarnalækni, viðbragðsaðilum og öðrum aðilum vegna innviða samfélagsins. Þá hafa viðbragðsaðilar aflað sér varnarbúnaðar. Þá þurfa allir viðbragðsaðilar að gera áætlun um órofinn rekstur og hvernig á að halda úti ómissandi starfsemi miðað við 50% mönnun.
 
Hjörtur Kristjánsson, umdæmislæknir sóttvarna á Suðurlandi fór yfir stöðuna og aðgerðir sem gæti þurft að grípa til. Þá var farið í þarfagreiningu vegna farsóttarhúsnæða og skipulag þeirra. Fulltrúar Vestmannaeyjabæjar, lögreglu og Rauða krossins munu leggja til aðgerðaáætlun vegna farsóttarhúsa.
 
Í niðurstöðu nefndarinnar segir að almannavarnanefnd þakki upplýsingarnar og muni áfram fylgjast grannt með útbreiðslu veirunnar, vera í sambandi við samhæfingarstöð og sóttvarnalækni, funda með hagaðilum og sjá til þess að viðeigandi undirbúningur eigi sér stað.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).