Óska eftir fundi með ráðherra vegna hallareksturs Hraunbúða

18.Febrúar'20 | 05:33
hraunbud_skilti

Hraunbúðir. Ljósmynd/TMS

Undanfarin ár hefur Vestmannaeyjabær lagt töluvert fé til reksturs Hraunbúða, dvalar- og hjúkrunarheimili, þrátt fyrir að ríkinu beri að fjármagna þann rekstur á fjárlögum. Bæjarráð fjallaði um málefni Hraunbúða á fundi sínum i gær.

Ríkið þarf að greiða framlög sem standa undir þeim rekstri sem ríkið sjálft gerir kröfulýsingu um

Framlög Vestmannaeyjabæjar til rekstursins hafa aukist frá ári til árs án þess að bærinn geti haft þar áhrif á. Í lok árs 2009 skulduðu Hraubúðir Vestmannaeyjabæ rúmar 176 m.kr. og tilvibótar er uppsafnaður halli frá 2010 kominn í 390 m.kr., eða samtals 566 m.kr. á verðlagi hvers árs.

Þessi staða er óviðunandi og getur ekki gengið svona áfram. Ríkið þarf að uppfylla skyldur sínar, en ekki skýla sér á bak við Sjúkratryggingar Íslands. Vestmannaeyjabær er vel í stakk búinn til að reka Hraunbúðir, en ríkið þarf að greiða framlög sem standa undir þeim rekstri sem ríkið sjálft gerir kröfulýsingu um. 

Þessu tengt: Bærinn hefur greitt á sjötta hundrað milljónir með rekstri Hraunbúða

Ræða hvort áfram séu forsendur til að Vestmannaeyjabær haldi áfram rekstri Hraunbúða

Í afgreiðslu ráðsins segir að bæjarráð feli bæjarstjóra að óska eftir fundi með heilbrigðisráðherra vegna hallareksturs Hraunbúða og ófullnægjandi framlög ríkisins með rekstrinum., m.a. hvort áfram séu forsendur til að Vestmannaeyjabær haldi áfram rekstri Hraunbúða. Einnig er bæjarstjóra falið að eiga samtal við Samtök félaga í velferðarþjónustu um áform samtakanna í þessum efnum.

Sjá einnig: Mál Hraunbúða á dagskrá bæjarráðs

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.