Myndband

Líkur á eldingum

14.Febrúar'20 | 07:59
windy_140220

Skjáskot/windy.com

Óveðrið nær bráðlega hámarki sunnan til á landinu en með morgninum heldur áfram að hvessa nyrðra, að því er segir í spá Veðurstofu Íslands. Rauð viðvörun er í gildi í Vestmannaeyjum. 

Eldingar mælast nú suður í hafi, líkur er á að þær nái að ganga inn á landið sunnantil með morgninum, segir í athugasemd veðurfræðings á Veðurstofu Íslands, rétt fyrir klukkan sjö.

Fram kemur í frétt RÚV að víðáttumikil 934 millibara lægð sé nú 500 kílómetra suður af Reykjanesi og samskil frá henni liggja að landinu. Nú þegar hefur hvesst um sunnanvert landið, víða er rok eða ofsaveður og fárviðri á nokkrum stöðum.

Mesti vindur sem hefur mælst, enn sem komið er, eru 40 metrar á sekúndu á Þyrli, innst í Hvalfirði, og 45 metrar á Stórhöfða í Vestmannaeyjum. Þar hefur einnig verið mest úrkoma, 38 millimetrar. Fjöldi eldinga hefur mælst handan skilanna og á Suðausturlandi eru líkur á að verði vart við eldingar þegar skilin ganga yfir.

Næsta lægð nálgast

Illviðrið gengur niður eftir hádegi, samkvæmt veðurspánni, og á miðnætti rennur síðasta gula viðvörunin út. Næsta lægð nálgast á morgun. Í hugleiðingum veðurfræðings segir að hún sé raunar enn dýpri en lægð dagsins í dag. Lægðin í dag ýti hins vegar hæðinni yfir Grænlandi lengra til norðurs og verður þrýstibrattinn yfir landinu, og þar með vindstyrkur, ekki jafn mikill og í dag. Reiknað er með að gefnar verði út viðvaranir vegna lægðarinnar á morgun síðdegis í dag þegar að núverandi veður byrjar að ganga niður, segir í frétt Ríkisútvarpsins.

Veður­stof­an birt­ir áhuga­verða hreyfi­mynd á facebook síðu sinni sem sýn­ir lægðina nálg­ast landið. Bláu og grænu flekk­irn­ir tákna úr­komu sem veður­sjár á Kefla­vík­ur­flug­velli og Eg­ils­stöðum nema og rauðu og gulu hring­irn­ir tákna eld­ing­ar sem mynd­ast í lægðaskil­um, en sam­kvæmt Veður­stofu Íslands er eld­inga­virkni á köfl­um mik­il.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.