Bærinn hefur greitt á sjötta hundrað milljónir með rekstri Hraunbúða

11.Febrúar'20 | 07:15
hraunbudir

Hraunbúðir. Ljósmynd/TMS

Líkt og fram kom í fréttum í gær þarf að Vestmannaeyjabær að greiða um 85 milljónir með rekstri Hraunbúða í fyrra. Þar með er ekki öll sagan sögð því ríkisframlagið með rekstrinum hefur hvergi nær dugað í á annan áratug.

Starfsemi Hraunbúða hófst 5. október 1974. Heimilið var í fyrstu dvalarheimili en 1987 fékkst leyfi fyrir hjúkrunar- og dvalarrýmum við stofnunina. Jón Pétursson, framkvæmdastjóri fjölskyldu- og fræðslusviðs Vestmannaeyjabæjar segir að frá 2010 sé uppsafnaður halli um 390 milljónir.

Sjá einnig: Rekstur Hraunbúða þungur

Þurfa að leggja meira til þjónustunnar en fylgdu auknum tekjustofnunum

„Þegar þú spyrð út í aðra þjónustu sem sveitarfélagið hefur tekið yfir af hálfu ríkisins er helst að nefna grunnskólinn og málefni fatlaðs fólks. Við flutninginn á þessum málaflokkum fluttist einnig tekjustofn til sveitarfélagana. Ýmislegt bendir til þess að sveitarfélög hafi eftir flutning á þessum málaflokkum yfir til sín þurft að leggja meira til þjónustunnar en fylgdu auknum tekjustofnunum. Aukinn þrýstingur er á sveitarfélögin um bætta þjónustu bæði frá hagsmunaaðilum og einnig frá ríkinu sem enn hefur stjórnun á stefnu í þessum málum sem og laga og reglugerðaþáttum. Oft er ekki nóg passað upp á kostnaðarmat á breyttu laga- og reglugerðarþáttum og leggst sá kostnaður oftast á þjónustuaðilann." segir Jón.

Heildar uppsafnaður halli 566 milljónir

Sigurbergur Ármannsson, fjármálastjóri Vestmannaeyjabæjar segir í samtali við Eyjar.net að þessar rúmu 390 milljónir sem getið er hér að framan sé uppsafnaður halli frá árinu 2010. „Í lok árs 2009 skuldaðu Hraubúðir bænum rúmar 176 m.kr. og svo heildar uppsafnaður halli lengra aftur í tímann er a.m.k 566 milljónir á verðlagi hvers árs fyrir sig.”

 

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).