Of snemmt að segja til um hvort gripið verði til aðgerða

5.Febrúar'20 | 13:38
kristjan_th_stjr

Kristján Þór Júlíusson. Mynd/Stjórnarráðið

Þótt loðnubrestur sé skellur fyrir þjóðarbúið eru áhrifin ekki jafn slæm og áður. Þeim mun meiri eru áhrifin á einstök sveitarfélög og fyrirtæki. 

Vandi byggðarlaga sem helst treysta á loðnu var ræddur í ríkisstjórn í gær, en sjávarútvegsráðherra telur of snemmt að segja til um hvort gripið verði til aðgerða. Frá þessu er greint á fréttavef Ríkisútvarpsins - ruv.is.

Fjölbreyttari útflutningur og vöxtur hagkerfisins gera það að verkum að loðnubrestur hefur ekki sömu þýðingu fyrir þjóðarbúið og áður. Tekjur af loðnu dreifast hins vegar á fá sveitarfélög og fyrirtæki og aflabrestur getur haft mikil staðbundin áhrif.

18 milljarða útflutningsverðmæti loðnu

Í úttekt fjármála- og efnahagsráðuneytisins kemur fram að útflutningsverðmæti loðnu árin 2016-2018 var að meðaltali um 18 milljarðar króna. Í ár myndi sambærileg loðnuvertíð skila um 0,5 prósentum meiri hagvexti en ella. Í fréttum RÚV í gær kom fram að Vestmannaeyjar urðu af tæpum átta milljörðum króna í fyrra vegna loðnubrests. Þá eru áhrifin einnig alvarleg í Fjarðabyggð, á Vopnafirði og víðar.

Kristján Þór Júlíusson, sjávarútvegsráðherra kynnti þetta á ríkisstjórnarfundi í gær, en bæjarstjórinn í Vestmannaeyjum hefur kallað eftir mótvægisaðgerðum frá stjórnvöldum. 

Þessu tengtÓttast aukið atvinnuleysi

Þá er haft eftir Kristjáni Þór í frétt RÚV að í hans huga komi allt til greina í þessum efnum. „Við þekkjum það bara, af sambýli okkar við náttúruna í gegnum tíðina, að við verðum oft fyrir skellum og stöndum saman sem þjóð þegar við þurfum að takast á við afleiðingar þess. En á þessu stigi er allt of snemmt að segja nokkur fyrir um það með hvaða hætti hvort og hvernig slíkt yrði gert," segir hann.

Nánar má lesa um málið hér.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.