Áhrif loðnubrestsins í fyrra gríðarleg

- búið að kynna greininguna fyrir sjávarútvegsráðherra

5.Febrúar'20 | 07:33
IMG_0219

Loðnuleit síðustu mánaða gefur ekki tilefni til bjartsýni. Ljósmynd/TMS

Í nýrri skýrslu sem bæjaryfirvöld létu vinna um áhrif af loðnubrestinum í fyrra á sveitarfélagið kemur fram að Vestmannaeyingar hafi orðið af tæpum átta milljörðum króna. Skýrslan var kynnt bæjarráði í gær.

Fram kemur í fundargerð bæjarráðs að Vestmannaeyjabær og hagaðilar hafi haldið íbúafund 26. mars eftir að ljóst var að loðnubrestur yrði vertíðina 2019. Á fundinum kom fram að miklvægt er að hafa í hendi raunveruleg gögn og greiningar um samfélagsleg áhrif loðnubrestsins á Vestmannaeyjar.

Bein áhrif á 350 starfsmenn

Til þess að átta sig á umfanginu og að hægt sé að bregðast við og kalla eftir aðgerðum ef að það yrði aftur loðnubrestur. Bæjarstjórn ákvað í framhaldinu á fundi sínum í 28. mars að láta vinna greininguna. Hrafn Sævaldsson var fengin til þess.

Helstu niðurstöður eru þær að loðnubrestur hefur bein áhrif á 350 starfsmenn og er ígildi 60 ársverka. Tapaðar launtekjur í Vestmannaeyjum eru a.m.k. 1000 milljónir. Tekjutap útgerðarfyrirtækja er um 7.600 milljónir. Tekjutap annar fyrirtækja er um 900 milljónir og Vestmannaeyjabær og Vestmannaeyjahöfn verða af um 160 m.kr.

Bæjarstjóri kynnti í fyrradag, í samráði við formann bæjarráðs, greininguna fyrir sjávarútvegsráðherra.

Miklar líkur á að markaðir tapist verði loðnubrestur annað árið í röð

Í afgreiðslu bæjarráðs segir að ljóst sé að áhrif loðnubrestsins 2019 hér í Eyjum eru mjög mikil á samfélagið allt ekki bara þá sem starfa í sjávarútvegi. Fyrirtæki og fólk í Eyjum hafa tekið þetta mikla högg vegna ársins 2019 en annar loðnubrestur er eitthvað sem yrði Vestmannaeyjum mjög erfitt.

Rúmlega 30% allra veiðiheimilda í loðnu eru hjá fyrirtækjum í Eyjum. Afleiðingar af því er ekki bara mikið tekjutap samfélagsins alls heldur eru miklar líkur á að markaðir tapist verði loðnubrestur annað árið í röð. Loðnubrestur hefði ekki aðeins áhrif á Vestmannaeyjar og þau sveitarfélög sem byggja afkomu sína á sjávarútvegi heldur þjóðarbúið í heild. Það er lykilatriði að stjórnvöld beiti sér fyrir auknum rannsóknum á loðnu. Einnig vöktun og leit að loðnu næstu vikur til þess að hægt sé að mæla það magn af loðnu sem er við Ísland og vonandi gefa út kvóta í framhaldinu.

Verði ekki gefin út loðnukvóti annað árið í röð mun bæjarráð óska eftir fundi með sjávarútvegsráðherra, sveitarstjónaráðherra og fjármálaráðherra til að ræða mögulegar mótvægisaðgerðir við aflabresti.

 

Skýrsluna má nálgast hér.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.