Verkefnastjórn skipuð vegna viðbyggingar Hamarsskóla

Í fundargerð ráðsins segir að byggingarnefndin hafi loka ákvörðunarvald varðandi verkefnið. Bæjarráð telur mikilvægt að sett verði saman verkefnastjórn sem heldur reglulega fundi og hefur ákvörðunarvald um framkvæmd verkefnisins, yfirfer stöðuskýrslur frá eftirlitsaðila, fær tilkynningar um frávik í verklegum framkvæmdum o.s.frv. Sömuleiðis að skipaður verði verkefnastjóri sem er í samskiptum við hönnuði og verktaka á verkstað, tekur ákvarðanir um minniháttar frávik og upplýsir reglulega framkvæmda- og hafnarráð.

Niðurstaða

Bæjarráð samþykkir að skipa eftirfarandi aðila í verkefnastjórn yfir verkinu:

• Íris Róbertsdóttir, bæjarstjóri
• Sigurbergur Ármannsson, fjármálastjóri
• Ólafur Þór Snorrason, framkvæmdastjóri umhverfis- og framkvæmdasviðs, sem jafnframt verður verkefnastjóri.
• Jón Pétursson, framkvæmdastjóri fjölskyldu- og fræðslusviðs
• Anna Rós Hallgrímsdóttir, skólastjóri GRV