Enn sumarlokanir á sjúkradeild HSU

Áður hafði bæjarstjórn Vestmannaeyja ályktað um málið þar sem lýst er yfir áhyggjum af því að enn, í enda janúar sé sumarlokun á hluta rýma á sjúkradeild HSU í Vestmannaeyjum og óskar eftir því að forstjóri HSU mæti til fundar við bæjarráð til að ræða stöðuna á stofnuninni eins fljótt og auðið er.

Ekki virðist vera vilji til þess að opna rýmin aftur

Í niðurstöðu bæjarráðs í dag ítrekar ráðið mikilvægi þess að þau rými sem eru á sjúkradeild HSU séu opin. Sumarlokanir eru enn í gangi hjá stofnuninni og ekki virðist vera vilji til þess að opna þau aftur. Í dag eru 19 rúm opin á deildinni en eiga að vera 21. Bæjarráð lýsir áhyggjum af stöðunni og leggur þunga áherslu á að þau rými sem ætluð eru á deildinni séu opin.