Samþykkt að skipa verkefnastjórn vegna skólabyggingar

29.Janúar'20 | 06:58
hamarsskoli

Hamarsskóli. Ljósmynd/TMS

Á fundi bæjarstjórnar Vestmannaeyja fyrir helgi var lögð fram tillaga um að bæjarstjórn samþykki að bæjarráð yfirtaki verkefni bygginganefndar um viðbyggingu Hamarsskóla.

Einnig kom fram breytingartillaga frá bæjarfulltrúum D-lista. Fulltrúar Sjálfstæðisflokksins telja eðlilegt að aðili með sérþekkingu á skólamálum og starfsemi GRV sitji í byggingarnefnd og óska því eftir að skólastjóri GRV sitji auk fyrrgreindra aðila í nefndinni, mikilvægt er að hlutverk nefndarinnar verði vel skilgreint og nefndarmenn starfi samkvæmt erindisbréfi.

Breytingartillagan Sjálfstæðisflokksins var felld með 4 atkvæðum H- og E-lista gegn þremur atkvæðum D-lista.

Þá lagði meirihluti H- og E-lista fram breytingartillögu, þar sem segir að bæjarstjórn samþykki að bæjarráð yfirtaki verkefni bygginganefndar. Í framhaldinu mun ráðið skipa verkefnastjórn yfir verkefninu þar sem lagt verður til að skólastjóri GRV eigi sæti í.

Breytingartillagan var samþykkt með 4 atkvæðum H- og E-lista. Bæjarfulltrúar D-lista sátu hjá, Hildur Sólveig Sigurðardóttir gerði grein fyrir atkvæði sínu með eftirfarandi bókun:

Bæjarfulltrúar Sjálfstæðisflokksins hafa ítrekað óskað eftir því að hlutverk byggingarnefndar verði vel skilgreint og kallað eftir slíkum upplýsingingum ásamt því að upplýsingar um starfskjör nefndarmanna verði veittar og hvort að flokkurinn eigi að tilnefna fulltrúa. Bæjarfulltrúar meirihlutans hafa hins vegar látið hjá líða að svara og upplýsa bæjarfulltrúa Sjálfstæðisflokksins um slíkt fyrr en á síðustu stundu. Slík hegðun er ámælisverð og ekki til þess fallin að auka traust eða samvinnu á milli kjörinna fulltrúa.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.