Að framtíðar tjaldsvæði fyrir Þjóðhátíð verði á Þórsvelli

27.Janúar'20 | 07:18
tjold_thjodh

Ljósmynd/TMS

Á fundi bæjarstjórnar Vestmannaeyja fyrir helgi var skipulag tjaldsvæða á Þjóðhátíð til umræðu.

Í bókun frá bæjarfulltrúum H- og E-lista segir að meirihluti bæjarstjórnar sé hlynntur því að skoða að framtíðar tjaldsvæði fyrir Þjóðhátíð verði á Þórsvelli. Tekið verði upp samtal við ÍBV íþróttafélag um málið og gerð verði tilraun með tjöldun á vellinum í sumar.

Meirihluti bæjarstjórnar tekur undir með umhverfis- og skipulagsráði og telur mikilvægt að ekkert verði aðhafst fyrr en eftir að stóru fótboltamótin eru yfirstaðin sumarið 2020.

Lagt er til að ástand á Þórsvelli verði metið eftir Þjóðhátíð 2020. Að mati loknu verður tekin ákvörðun um framhaldið í samvinnu við ÍBV Íþróttafélag, þar sem skoða verður hvort hægt verði að hafa tjaldstæðin á vellinum og nýta völlinn áfram.

Ber vott um úrræðaleysi og virðingarleysi meirihluta

Í bókun frá minnihlutanum segir að bæjarfulltrúar Sjálfstæðisflokksins telja það bera vott um úrræðaleysi og virðingarleysi meirihluta H- og E-lista gagnvart fjármunum sveitarfélagsins að þar sem þörf er á nýju tjaldsvæði í um 7 daga á ári yfir þjóðhátíð sé það virkilega tillaga meirihluta nefndarinnar að sveitarfélagið þurfi að ráðast í að fjölga knattspyrnuvöllum.

Sé það einskær vilji meirihlutans að fjölga knattspyrnuvöllum í sveitarfélaginu ættu kjörnir fulltrúar að hafa kjark í að slá því föstu fram en ekki nota það sem átyllu vegna skorts á landsvæði undir tjöldun á þjóðhátíð.

Telja eðlilegt að láta reyna á tjöldun á Þórsvelli

Í framhaldi kom bókun frá Hildi Sólveigi Sigurðardóttur og Eyþóri Harðarsyni bæjarfulltrúum D-lista þar sem segir að undirrituð telji eðlilegt að láta reyna á tjöldun á Þórsvelli yfir verslunarmannahelgi ef Áshamarsreiturinn verður ekki lengur valmöguleiki vegna framkvæmda. Með öflugu skipulagi og vandlegri hreinsun á vellinum að Þjóðhátíð lokinni ætti völlurinn að ná sér fljótt aftur til knattspyrnuiðkunar.

Skipuleggjendur hátíðarinnar, sem er ÍBV Íþróttafélag, geta ekki frekar en aðrir bæjarbúar skorast undan því að sýna ábyrgð og þolinmæði gagnvart gríðarlegum fjölda gesta á umræddri helgi og gera allt til að leysa tjaldmál hátíðarinnar á sem bestan og hagkvæmastan hátt fyrir bæjarbúa.

Mikill misskilningur að meirihluti sé að leggja til að byggja nýjan grasvöll

Í bókun frá bæjarfulltrúum H- og E-lista segir að það sé mikill misskilningur að meirihluti sé að leggja til að byggja nýjan grasvöll vegna sjö daga tjöldunar. Enda er vinna, umræða og samtal allt eftir. Um er að ræða að gera tilraun með tjöldun á Þórsvellinum. Mikilvægt er að vinna þetta mál í sátt og samlyndi við alla hagsmunaaðila.

Væri gott ef að niðurstöður fundargerða væru skýrari

Í kjölfarið bókuðu bæjarfulltrúar D-lista þar sem segir að í umræddri fundargerð hópsins stendur "Ef nýta á þórsvöllinn þarf augljóslega að bæta við knattspyrnuvelli". Það væri þá gott ef að niðurstöður fundargerða væru skýrari ef þetta er ekki vilji meirihluta.

Málið samþykkt

Liður 2, Skipulag tjaldsvæða á þjóðhátíð var samþykktur með fjórum atkvæðum H- og E-lista gegn þremur atkvæðum D-lista.

Trausti Hjaltason gerði grein fyrir atkvæði sínu með eftirfarandi bókun:
Ég tel óboðlegt að leyfa tjöldun á Þórsvellinum og leggst því gegn slíkum hugmyndum.

Njáll Ragnarsson gerði grein fyrir atkvæði sínu með eftirfarandi bókun:
Það er ákaflega sérstakt að sjálfstæðismenn leggja það til að áfram verði tjaldað á Áshamarssvæðinu þrátt fyrir gríðarlega óánægju íbúa í hverfinu við tjöldun á því svæði. Eftir allt sem á undan er gengið er óboðlegt að leggja til það óbreytta ófremdarástand.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.