Vestmannaeyjabær:

Tóku tilboði Orkusölunnar

23.Janúar'20 | 06:56
eyjar_kvold_gig

Vestmannaeyjabær. Ljósmynd/Gunnar Ingi

Nýverið ákvað Vestmannaeyjabær að leita eftir verðtilboðum í raforkukaup og fékk tilboð send frá nokkrum söluaðilum. Eftir mat á tilboðum var ákveðið að taka tilboði Orkusölunnar ehf. 

Samningur Vestmannaeyjabæjar og Orkusölunnar var svo undirritaður þann 3. janúar 2019. Nær samningurinn til tveggja ára. Reiknað er með að sparnaður á raforkukaupum Vestmanneyjabæjar nemi um 12% með tilkomu nýs samnings.

Þann 3. janúar sl., hlutu Vestmannaeyjabær og Vestmannaeyjahöfn viðurkenninguna Græna ljósið frá Orkusölunni, sem vottar til um að sveitarfélagið og höfnin noti 100% endurnýjanlega raforku með upprunaábyrgðum samkvæmt alþjóðlegum staðli, segir í fundargerð bæjarráðs.

Las um téð raforkuviðskipti í fjölmiðlum

Í bókun frá bæjarfulltrúa Sjálfstæðisflokksins í ráðinu gagnrýnir fulltrúinn að umræddur samningur um orkukaup hafi ekki komið til afgreiðslu í bæjarráði sem fer með fjárheimildir sveitarfélagsins fyrr en að þeim loknum. Hvorki hafi forsendur útboðs á raforkukaupum, til hvaða aðila var leitað til né verðkannanir eða samningur verið lagður til staðfestingar á bæjarráðsfundi, heldur les undirrituð um téð raforkuviðskipti í fjölmiðlum. Slík stjórnsýsla er hvorki gegnsæ né lýðræðisleg. Undirrituð fagnar lækkun á orkukostnaði og er með engum hætti að gagnrýna við hvaða aðila er skipt við eða forsendur samnings, né á nokkurn hátt að draga úr mikilvægi upprunavottunar orkunnar, enda hafði undirrituð engar upplýsingar til að meta slíkt, heldur fyrst og fremst þá stjórnsýslu sem meirihluti bæjarstjórnar viðhafði í umræddu máli, segir í bókun Hildar Sólveigar Sigurðardóttur.

Tryggir lægri fastan rekstrarkostnað

Í bókun Njáls Ragnarssonar og Jónu Sigríðar Guðmundsdóttur segir að mikilvægt sé að leita allra leið til að hagræða í rekstri sveitarfélagsins sé þess kostur. Samningurinn við Orkusöluna tryggir lægri fastan rekstrarkostnað vegna raforkukaupa, um allt að 12%, fyrir Vestmannaeyjabæ og Vestmannaeyjahöfn. Fulltrúar E-og H- lista fagna samningum.

Fagnar lækkun á orkukaupum

Að endingu bókaði fulltrúi Sjálfstæðisflokksins þar sem því er fagnað að náðst hafi verið fram lækkun á orkukaupum sveitarfélagsins en telur eðlilegt að til framtíðar verði samningar sem slíkir bornir undir bæjarráð fyrir samþykkt þeirra.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).