Áframhaldandi loðnubrestur kæmi harðast niður í Vestmannaeyjum

- Vestmannaeyjar gætu orðið af hátt í 6 milljörðum króna, eða tæplega þriðjungi heildarverðmætis ef loðnan finnst ekki

18.Janúar'20 | 10:22
hofnin_2016_cr

Vestmannaeyjar. Ljósmynd/TMS

Vestmannaeyjar hafa á síðustu árum verið stærsta löndunarhöfn loðnu, en milli 2016 og 2018 voru 29% aflans landað þar, og kæmi áframhaldandi loðnubrestur því einna harðast niður á sveitarfélaginu að því er segir í nýrri Hagsjá Landsbankans.

Vísar bankinn í að nú eru horfur á að ekkert verði af loðnuvertíð á þessu ári, annað árið í röð, sem yrði í fyrsta sinn sem það gerist tvö ár í röð síðan veiðar hófust á loðnu 1963.

Í fyrra var jafnframt fyrsta árið sem alls engin loðna veiddist, þó það hafi gerst áður að lítið hafi veist sum árin, eins og 2009 og 1982 þegar aflinn nam 13 til 15 þúsundum tonna meðan flest ár nemi hann nokkrum hundruðum þúsundum tonna og hafi mest farið í 1,3 milljón tonn árið 1997.

Bendir bankinn jafnframt á að bæði Ísfélagið, sem á stærsta hluta loðnukvótans, eða rétt undir 20% hámarkinu, sem og Vinnslustöðin, sem er fjórði stærsti kvótaeigandinn með tæplega 11% eru staðsetti í bænum, en fjögur stærstu fyrirtækin eiga tæplega 65% alls loðnukvótans.

Útflutningsverðmæti loðnu árin 2016 til 2018 nam að meðaltali 18,1 milljarði króna, í samanburði við 96,2 milljörðum tonna á þorski en næstur á eftir loðnu í aflaverðmæti er karfi með 13,5 milljarða króna verðmæti. Miðað við þessi ár gætu fyrirtæki í Eyjum orðið af tekjum upp á 5,8 milljarða króna ef ekkert finnst af loðnu í loðnuleitinni sem nú stendur yfir.

 

vb.is greindi frá.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).