Til skoðunar að fjölga ferðum Herjólfs yfir hásumarið

18.Desember'19 | 11:40
IMG_4494

Til skoðunar er að bæta við áttundu ferðinni yfir hásumarið hjá Herjólfi. Ljómynd/TMS

Verið er að skoða að bæta inn áttundu ferðinni á áætlun Herjólfs yfir hásumarið 2020. Guðbjartur Ellert Jónsson, framkvæmdastjóri Herjólfs ohf. segir í samtali við Eyjar.net að þessi viðbót sé sett inn í fjárhagsáætlunin yfir 3 stærstu mánuði ársins.

Hann segir að vissulega sé þetta gert til að auka þjónustu við samfélagið, en tekur þó fram að þessi viðbót hafi ekki verið útfærð ennþá.

Markmið félagsins að auka þjónustu í samgöngum milli Vestmannaeyja og lands

„En þetta er allt útfærsluatriði og því spurning hvernig við setjum þetta upp. Við höfum verið að lenda í auknu álagi yfir þennan tíma eins og t.d. þegar íþróttamótin eru í gangi og eins þegar Þjóðhátíðin er. Við verðum því að horfa nokkuð til þess áður en frekari ákvarðanir eru teknar.

Það hefur verið markmið félagsins að auka þjónustu í samgöngum milli Vestmannaeyja og lands og því má segja að þetta sé einn liður sem horft er til.  Við höfum verið einstaklega heppin með veður það sem af er. Sjólag og aðstæður í Landeyjahöfn hafa jafnframt verið okkur hliðholl og vonandi helst það áfram. Frátafir frá því að nýji Herjólfur fór í rekstur er um 22 heilir dagar frá 25 júlí s.l. Af þessum dögum eru frátafir vegna þess að Herjólfur III var settur undir fyrir slipptökuna og eins þegar rafmagnsinnsetning var undirbúin.” segir Guðbjartur Ellert og bætir við:

Þurfum þennan vetur til að hlaða í reynslubankann

„Við höfum skýra stefnu og er Landeyjahöfn okkar höfn enda miðast áætlun okkar við að sigla þangað. Ef sú staða kemur upp að ófært er hluta úr degi siglum við á Þorlákshöfn en ef aðstæður leyfa skiptum við aftur yfir í Landeyjahöfn. Við höfum því náð í nokkrum tilfellum að sigla 3 til 4 ferðir yfir daginn í stað tveggja til Þorlákshafnar.

Við munum þurfa þennan vetur til að hlaða í reynslubankann og sjá hvernig Herjólfur fer með við þau skilyrði og aðstæður sem eru í og við Landeyjahöfn. Ég hef trú á því að með tímanum munum við geta nýtt Landeyjahöfn meira en verið hefur.”

Tags

Herjólfur

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).