Þrettándamyndin:

Bæjarstjóri kveikti hugmynd

13.Desember'19 | 11:45
Grýla

Frá Þrettándanum. Ljósmynd/aðsend

Sighvatur Jónsson kvikmyndagerðarmaður segist hafa heillast af ritgerð Hrefnu Díönu um þrettándann. 

„Ég get eignað Elliða Vignissyni, fyrrverandi bæjarstjóra Vestmannaeyja, þátt í hugmyndinni að myndinni því þegar ég var að ræða við hann um heimildarmyndina Útlendingur heima - uppgjör við eldgos sem við Jóhanna Ýr Jónsdóttir gerðum árið 2013 um Heimaeyjargosið 1973 kom þrettándinn til tals,“ segir Sighvatur.

„Elliði hafði á orði hversu mikil vinna væri við þrettándagleðina og rík saga sem hvort tveggja væri ekki á allra vitorði.  Á þeim tíma var ég farinn að horfa til þess að gera heimildarmynd um þjóðhátíð okkar Eyjamanna sem við Skapti Örn Ólafsson hófumst handa við sumarið 2014. Eftir fyrstu upptökur fyrir myndina Fólkið í Dalnum ræddum við Geir Reynisson, vinur minn, saman um mögulega heimildarmynd um þrettándagleðina. Geir hefur oft talað um þrettándann í Eyjum sem risastórt útileikhús, enda koma ríflega 200 manns að hátíðinni. Ég setti mig í samband við Hrefnu Díönu og upptökur hófust á þrettándanum 2015. Á hverju ári ræddum við Geir og Hrefna Díana saman um hvaða efni við gætum bætt við á komandi þrettánda.“

Sagan kemur saman

„Nú fimm árum síðar er ótrúlega gaman að sjá söguna koma saman. Auðvitað hefur maður skoðað efnið eftir hvern einasta þrettánda en sumt ekki síðan. Eftir hvernig þrettánda gerði ég stutta kynningarstiklu með efni frá upptökum þess árs. Með árunum höfum við safnað saman mörgum viðtölum sem varðveita heimildir ásamt því sem sagan hefur orðið til fyrir framan nefið á okkur. Má þar sem dæmi nefna söguleg kynslóðaskipti hjá Grýlu og Leppalúða á síðasta þrettánda. Það er einmitt ríkur þáttur í sögu þrettándans að mörg verkefni ganga í erfðir. Í myndinni gerum við þessu góð skil. Það eru ekki allir sem átta sig á því að Grýla og jólasveinarnir hafa í notið aðstoðar fólks innan sömu fjölskyldna í áratugi,“ segir Sighvatur.

Klippingu myndarinnar er nýlokið og nú stendur eftirvinnsla hennar yfir. „Á meðan við bíðum eftir því að fá myndina úr hljóðblöndun og litvinnslu erum við að fara yfir alla grafík, svo sem skjátexta, nafnaskilti og kreditlista. Við hlökkum mikið til að frumsýna myndina föstudaginn 27. desember í Eyjabíói og í Háskólabíói,“ segir Sighvatur og bendir á að bíómiða má nálgast á söfnunarsíðu myndarinnar hjá Karolina Fund.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.