Þrettándinn í máli og myndum

- Hrefna Dína verður með fyrirlestur í Einarsstofu kl. 13.00 á laugardaginn

12.Desember'19 | 13:00
Týströll

Frá Þrettándanum. Ljósmyndir/aðsendar.

Þessa dagana eru Sighvatur Jónsson, Geir Reynisson og Hrefna Díana Viðarsdóttir að leggja lokahönd á heimildarmynd um þrettándagleðina í Eyjum sem verður frumsýnd núna 27. desember næstkomandi. 

Hrefna Dína verður með fyrirlestur kl. 13.00 í Einarsstofu á laugardaginn sem hún byggir lokaritgerð sinni í þjóðfræði haustið 2012 um þrettándahátíðina í Vestmannaeyjum. Auk þess segir hún frá myndinni sem nú er í lokavinnslu og sýnir búta úr myndinni.

Heilluð af hátíðinni

„Ég var alveg heilluð af hátíðinni og hvernig er annað hægt þegar myrkur, eldur, læti og forynjur fylla mann af gleði og ótta. Ritgerðin heitir „Maður bíður meira eftir þrettándanum en eftir jólunum!“ Form, hlutverk og þróun þrettándans í Vestmannaeyjum,“ segir Hrefna.

„Í fyrirlestrinum langar mig að segja ykkur frá því sem ég lærði þegar ég rannsakaði leið Eyjamanna til að fagna þrettándanum frá 1948 til 2012. Ég segi frá gömlum hefðum Vestmannaeyinga og Evrópubúa   um blysfarir, dulbúninga- og heimsóknarsiði og hvort tengja megi þrettándagleðina við það.

Ég greini frá því hvernig þrettándagleðin hefur þróast í áranna rás. Svo mun ég gera tilraun til að skýra af hverju þessi hefð lifir og hvað hún gerir fyrir samfélagið og fyrir hópinn sem gerir þrettándagleðina að raunveruleika.

Þetta verður sem sagt smá nördaskapur í bland við ýmsan fróðleik um stolt Eyjamanna.
Þar að auki mun ég auðvitað kynna hina dásamlegu heimildarmynd okkar Sighvats Jónssonar og Geirs Reynissonar, Þrettándinn – heimildarmynd um þrettándagleðina í Eyjum,“ segir Hrefna sem er Eyjakona.

Gott að koma heim til Eyja

„Ég er fædd í Vestmannaeyjum sumarið 1978 og var ein af sirka 20 börnum sem voru skírð á annan í jólum það ár í Landakirkju. Það var ekki auðveldur burður í skírnarröðinni fyrir foreldra mína. Ég var vel í holdum enda þá löngu farin að borða skyr og stappaðan fisk með lýsi.

Ég hef verið búsett í Innri-Njarðvík undanfarin 14 ár en það er enn gott að koma heim til Eyja. Ég er svo heppin að eiga enn svefnpláss á æskuheimilinu hjá pabba mínum honum Viðari Guðmundssyni frá Lyngbergi og stjúpmóður minni henni Láru Laufeyju Emilsdóttur.“

Hvað ertu að gera núna?

Fyrir utan það að ég og eiginmaður minn erum í fyrirtækjarekstri á sviði byggingariðnaðar og bókhalds, þá erum við Sighvatur Jónsson og Geir Reynisson að leggja lokahönd á heimildarmynd um þrettándagleðina í Eyjum, en hún verður frumsýnd núna 27. desember næstkomandi,“ sagði Hrefna sem endingju sagðist hlakka til og vonast til að sjá sem flesta í Einarsstofu á laugardaginn.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).