Mikið tjón í einhverju mesta óveðri sem gengið hefur yfir

11.Desember'19 | 07:09
IMG_7693

Fiskimjölsverksmiðja Ísfélagsins fór illa í óveðrinu. Ljósmyndir/TMS

Ljóst er að mikið tjón hefur orðið í óveðrinu sem enn geysar í Vestmannaeyjum. 

Að sögn varðstjóra hjá lögreglunni í Eyjum er ljóst að eignartjónið er mikið, en ekki hafa orðið slys á fólki vegna veðurofsans. Enn er mjög hvasst í Eyjum - en þó ekki í líkingu við það sem gekk yfir í gærkvöldi.

Á fjórða tímanum í nótt bárust boð um aðstoð vegna trillu sem var að sökkva í höfninni. Að sögn lögreglunnar var um að ræða trillu þar sem lensidæla hafði bilað og náðist að lensa trilluna áður en hún sökk.

Seint í gærkvöldi bárust fregnir af því að norður gafl Fiskimjölsverksmiðju Ísfélagsins væri að hluta til fokinn. Þá fór dúkurinn á salthúsi Vinnslustöðvarinnar í veðurofsanum. Myndir af því má sjá hér að neðan. 

Verkefnin tæplega 100

Í færslu frá Björgunarfélaginu frá um kl. 2 í nótt segir að veðrinu sé aðeins farið að slota en einstaka verkefni enn að týnast inn. Félögum er þakkað fyrir frábæra mætingu en 30 félagar tóku þátt í kvöldinu, auk fleiri aukamanna og lögreglu. Fyrstu verkefni komu um kl 16:30 og óskað var eftir auka mannskap um einni og hálfri klst síðar. Núna rúmum 9 tímum seinna höfum við farið í tæp 100 verkefni, en vegna villu í talningu í verkefnum hafa aðrar tölur verið gefnar upp og leiðréttist hér með.

„Kári í Kránni reddaði okkur kvöldmatnum. Sveinn í Bensínsalan Klettur kom svo með kvöldsnarlið fyrir okkur og síðast en alls ekki síst var Ingimar Ágúst Guðmarsson með okkur á Kranabílnum. Takk allir kærlega fyrir okkur.” segir í færslu Björgunarfélagsins. Óhætt er að þakka Björgunarfélaginu fyrir frábært starf síðasta sólarhringinn.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.