Tekist á um deiliskipulagsbreytingu við Græðisbraut

10.Desember'19 | 06:59
graedisbr_tillaga

Tillöguteikning frá Alta.

Deiliskipulag á athafnasvæði AT-1 við Græðisbraut lá fyrir til umræðu og staðfestingar, á fundi bæjarstjórnar á fimmtudaginn var. Ljóst er að ekki er eining innan bæjarstjórnar um umrædda skipulagsbreytingu. 

Á fundinum voru lagðar fram bókanir um málið, bæði af meiri- og minnihluta. 

Stækkun sem mun hafa áhrif á ásýnd miðbæjarjaðars

Í bókun frá minnihlutanum segir að afgreiðsla þessa máls hjá meirihluta ráðsins veki furðu bæjarfulltrúa Sjálfstæðisflokksins. Vestmannaeyjabæ hafa borist ítarlegar athugasemdir frá hagsmunaaðilum við upphaflega auglýst byggingarmagn. Með þessari ákvörðun er verið að samþykkja að vinna nýja tillögu sem mun fela í sér mun meira byggingarmagn og stækkun sem mun hafa áhrif á ásýnd miðbæjarjaðarins. Til samanburðar þá er hæð stóra sals íþróttamiðstöðvarinnar um 11m en umrædd bygging er áætlað að verði 9,5 m há.

Þessi framganga meirihluta ráðsins ber vitnisburð um að enn á ný sé lítil virðing borin fyrir fjármunum sveitarfélagsins en mikil vinna og kostnaður sem telur fleiri milljónir liggur á bak við það deiliskipulag sem nú er vísað frá og hefja á vinnu við að nýju.

Sú ákvörðun verður að telja líklegt að muni fela í sér enn harðari mótmæli og óánægju hagsmunaaðila sem nú þegar hafa sent inn athugasemdir vegna fyrra skipulags. Auk þess er um að ræða viðkvæmt svæði sem miklar deilur hafa staðið um og ólíklegt að ákvörðun sem þessi sé líkleg til lausnar þeirra. Mun eðlilegra er að úthluta því byggingarmagni sem verið er að óska eftir við nýtt iðnaðarsvæði sem búið er að samþykkja að rísi við flugvöllinn, segir að endingu í bókun Sjálfstæðisflokksins.

Mikilvægt að Vestmannaeyjabær standi ekki í vegi fyrir eða hindri að fyrirtæki geti stækkað og útvíkkað sína atvinnustarfsemi

Í bókun frá meirihluta E- og H- lista segir að meirihlutinn vilji bregðast við óskum lóðarhafa enda um að ræða stækkun á byggingareit innan lóðarmarka lóðarhafa með því að setja málið í ferli. Í framhaldinu verður farið í hefðbundið deiliskipulagsferli og felst það í því að auglýsa aftur.

Meirihluti E- og H-lista telur mikilvægt að Vestmannaeyjabær standi ekki í vegi fyrir eða hindri að fyrirtæki í Vestmannaeyjum geti stækkað og útvíkkað sína atvinnustarfsemi. Mikilvægt er að öll fyrirtæki geti dafnað vel í okkar samfélagi og hafi tök á því að stækka. Mikil þörf er á því að efla uppbyggingu í atvinnulífinu.

Liðurinn, deiliskipulag á athafnasvæði AT-1 við Græðisbraut var samþykktur með fjórum atkvæðum E og H lista gegn þremur atkvæðum D lista. 

Minnisblað - Deiliskipulag athafnasvæðis.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.