Móttöku og flokkunarstöð fyrir úrgang

Sérstök aðgæsla við skipulag vegna nálægðar við verndað hraun

30.Nóvember'19 | 09:58
alta_flokkunarstod_tolvumynd

Tölvuunnin mynd af móttöku og flokkunarstöðinni við Eldfellsveg sem gefur vísbendingu um hvaða breytingar verða á ásýnd. Mynd/alta

Deiliskipulag vegna móttökustöðvar úrgangsefni við Eldfellsveg er í vinnslu og á fundi framkvæmda- og hafnarráðs í vikunni voru lögð fram kynningargögn um skipulagið.

Ekkert deiliskipulag er í gildi fyrir svæðið

Í tillögu að deiliskipulagi sem unnin er af Alta segir m.a að Vestmannaeyjabær áformi nú að koma fyrir og starfrækja nýja brennslu- og orkunýtingarstöð fyrir úrgang með orkunýtingarkerfi við Eldfellsveg sem myndi taka við blandaða úrganginum. Brennslustöðin yrði staðsett í byggingu á móttökusvæðinu sem áður hýsti sorpbrennslu sem var starfrækt í Vestmannaeyjum til 2012, en hefur undanfarin ár verið nýtt til að taka á móti úrgangi. Á starfstíma brennslunnar voru innleiddar á Íslandi hertar reglur um mengunarvarnir sem stöðin náði ekki að uppfylla, þrátt fyrir endurbætur og prófanir, og því var henni á endanum lokað.

Ný stöð myndi hins vegar uppfylla allar reglur um mengunarvarnir sem gerðar eru til svona stöðva og er unnið að umhverfismati fyrir stöðina. Ekkert deiliskipulag er í gildi fyrir svæðið og er því hér lögð fram tillaga að nýju deiliskipulagi, sem áformað er að kynna á sama tíma og frummatsskýrslu mats á umhverfisáhrifum fyrir brennslu- og orkunýtingarstöðina. Stöðin fellur undir 5. gr. laga um mat á umhverfisáhrifum og því fylgir umhverfisskýrsla með deiliskipulaginu.

Jákvæð áhrif verða á ásýnd af því að flytja móttökusvæðið

Þá segir í kynningu Alta að lóð móttökustöðvarinnar sé í Eldfellshrauni. Deiliskipulagið gerir ráð fyrir að aðkoma að svæðinu verði færð norðar en akvegurinn sem þar verður gerður fer að mestu um svæði á hrauninu sem er nú þegar raskað.

Að öðru leyti er áformað athafnasvæði innan lóðar það sama og hefur verið notað hingað til og áhrif á landslag því lítil. Við breytingar á lóð stöðvarinnar og með tilkomu nýrrar brennslustöðvar breytist ásýnd svæðisins að nokkru leyti. Um það bil 4 m hár strompur mun rísa upp úr byggingunni sem mun hýsa brennslustöðina og í deiliskipulagi er gert ráð fyrir að mögulegt sé að stækka bygginguna um 15 m til norð-austurs, eða 225 m 2 . Strompurinn verður ekki áberandi og vegna þess hve lágt viðbyggingin mun standa þá verða áhrif hennar á ásýnd óveruleg.

Jákvæð áhrif verða á ásýnd af því að flytja móttökusvæðið sem er opið fyrir almenning norðar innan lóðarinnar. Sá hluti lóðar er lægri í landi en núverandi móttökusvæði og verður starfsemi innan þess ekki jafnsýnileg t.a.m. frá toppi Eldfells. Höfð er sérstök aðgæsla við skipulag móttökustöðvarinnar vegna nálægðar við verndað hraun, til að tryggja að sjónrænt yfirbragð hins manngerða umhverfis rýri sem minnst hlut náttúrunnar í heildarmyndinni. Áhrif á ásýnd eru líkleg til að vera lítil og svæðið frekar snyrtilegra en í dag. 

Alla tillöguna má nálgast hér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).